ഉറ്റസുഹൃത്തിന്റെ വേർപാടിൽ പിറന്നാൾ ദിനത്തിൽ നിറകണ്ണുകളോടെ നിവിൻ പോളി
- Published by:Sarika KP
- news18-malayalam
Last Updated:
പ്രിയസുഹൃത്തിന്റെ വേർപാടിൽ ഹൃദയം തകർന്ന് നിൽക്കുന്ന നിവിന്റെ വിഡിയോ ആരാധകർക്ക് വേദനയാവുകയാണ്.
സൂപ്പര്താരം നിവിന് പോളിയുടെ ജന്മദിനമായിരുന്നു കഴിഞ്ഞ ദിവസം. എന്നാൽ ആ സന്തോഷദിനത്തില് താരത്തിനെ തേടി എത്തിയത് ഒരു നൊമ്പര വാര്ത്തയായിരുന്നു. ഉറ്റസുഹൃത്തിൻറെ വേർപാടിൽ വിതുമ്പിയ ദിനമായിരുന്നു നടൻ നിവിൻ പോളിക്ക് ഒക്ടോബർ 11. ആലുവ മാഞ്ഞൂരാൻ വീട്ടിൽ നെവിൻ ചെറിയാന്റെ (38) മരണമാണ് നിവിൻ പോളിക്കും നടൻ സിജു വിൽസന്റിനും തീരാവേദനയായത്. സംവിധായകൻ അൽഫോൻസ് പുത്രന്റെ അടുത്ത ബന്ധുവായ നെവിൻ നടന്മാരായ സിജു വിൽസന്റെയും നിവിൻ പോളിയുടെയും ബാല്യകാല സുഹൃത്താണ്.
തലച്ചോറിനെ ബാധിക്കുന്ന അപൂർവ്വരോഗത്തെ തുടർന്ന് ചികിത്സയിലായിരുന്ന നെവിൽ തിങ്കളാഴ്ചയായിരുന്നു മരണത്തിന് കീഴടങ്ങിയത് .തലച്ചോറിനെ ബാധിക്കുന്ന അമിയോട്രോപിക് ലാറ്ററൽ സ്ക്ലിറോസിസ് എന്ന അപൂർവ രോഗമാണ് മരണത്തിനു കാരണം. വിദേശത്ത് ജോലി ചെയ്യുമ്പോഴാണ് നെവിന് രോഗം സ്ഥിരീകരിക്കുന്നത്.”സിനിമാ തിരക്കിനിടയിലും രോഗശയ്യയിലായിരുന്ന ആത്മസുഹൃത്തിനെ കാണാൻ നിവിൻ സമയം കണ്ടെത്തുമായിരുന്നു. സംവിധായകൻ അൽഫോൻസ് പുത്രൻറെ അടുത്ത ബന്ധു കൂടിയാണ് നെവിൻ.
advertisement
advertisement
പ്രിയസുഹൃത്തിന്റെ വേർപാടിൽ ഹൃദയം തകർന്ന് നിൽക്കുന്ന നിവിന്റെ വിഡിയോ ആരാധകർക്ക് വേദനയാവുകയാണ്. ആലുവ സെന്റ് ഡൊമിനിക് കത്തോലിക്ക പള്ളി സെമിത്തേരിയിലായിരുന്നു സംസ്കാരചടങ്ങുകൾ നടന്നത്. സംസ്കാര ചടങ്ങിൽ മുഴുവൻ സമയവും ഉറ്റസുഹൃത്തുക്കൾ ഒപ്പമുണ്ടായിരുന്നു. നിറകണ്ണുകളോടെയാണ് ഇരുവരും കൂട്ടുകാരന് അന്ത്യചുംബനം നൽകിയത്.
Click here to add News18 as your preferred news source on Google. നിങ്ങളുടെ പ്രിയപ്പെട്ട സെലിബ്രിറ്റികളുടെ ഏറ്റവും ട്രെൻഡിങ് ന്യൂസ് വൈറൽ വീഡിയോ രസകരമായ വിശേഷങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
Kochi,Ernakulam,Kerala
First Published :
Oct 12, 2023 2:20 PM IST
