ധുരന്ധർ സിനിമയുടെ വ്യാജ പതിപ്പുകൾ പാകിസ്ഥാനിലെ കറാച്ചി മാർക്കറ്റിൽ വിൽക്കുന്നത് 16 രൂപയ്ക്ക്; വീഡിയോയുമായി യൂട്യൂബർ

കറാച്ചിയിലെ തിരക്കേറിയ ഒരു ഇലക്ട്രോണിക്സ് മാർക്കറ്റിൽ ഒരു യൂട്യൂബർ നടത്തിയ സന്ദർശനം 'ധുരന്ധർ' എന്ന സിനിമയെ വീണ്ടും ശ്രദ്ധാകേന്ദ്രമാക്കിയിരിക്കുകയാണ്. പാകിസ്താനിൽ വെറും 50 പാകിസ്ഥാനി രൂപയ്ക്ക് (ഏകദേശം 16 ഇന്ത്യൻ രൂപ) ധുരന്ധറിന്റെ വ്യാജ പതിപ്പുകൾ പരസ്യമായി വിൽക്കുന്നതാണ് യൂട്യൂബർ തന്റെ വീഡിയോയിലൂടെ വെളിപ്പെടുത്തിയത്.വ്യാജ പതിപ്പുകളുടെ കേന്ദ്രമെന്നറിയപ്പെടുന്ന കറാച്ചിയിലെ റെയിൻബോ സെന്ററിൽ നിന്നാണ് ഈ ദൃശ്യങ്ങൾ പകർത്തിയത്. രൺവീർ സിംഗ് നായകനായ ഈ ചിത്രം പാകിസ്ഥാനിൽ ഔദ്യോഗികമായി നിരോധിച്ചിട്ടുണ്ടെങ്കിലും എത്ര എളുപ്പത്തിലാണ് ലഭ്യമാകുന്നതെന്ന് കണ്ട് യൂട്യൂബർ അത്ഭുതം പ്രകടിപ്പിച്ചു.