അനന്ത് അംബാനി-രാധിക മര്‍ച്ചന്റ് പ്രീ വെഡ്ഡിംഗ്; ആഘോഷങ്ങളില്‍ പങ്കെടുത്ത് രോഹിത് ശര്‍മ്മയും ഹാര്‍ദിക് പാണ്ഡ്യയും ഇഷാന്‍ കിഷനും

നിലവിൽ ഐപിഎൽ മുംബൈ ഫ്രാഞ്ചൈസിയുടെ ക്യാപ്റ്റൻ ഹാർദിക് പാണ്ഡ്യയാണ്. എന്നാൽ രോഹിത് ശർമ ക്യാപ്റ്റനായിരുന്നപ്പോൾ അഞ്ചു കിരീടങ്ങൾ മുംബൈ ഇന്ത്യൻസ് സ്വന്തമാക്കിയിട്ടുണ്ട്. എൻകോർ ഹെല്‍ത്ത്‌കെയറിൻ്റെ സിഇഒ വിരേൻ മെർച്ചൻ്റിൻ്റെയും ഷൈല മെർച്ചൻ്റിൻ്റെയും ഇളയ മകള്‍ രാധിക മെർച്ചന്റിനെയാണ് അനന്ത്‌ അംബാനി വിവാഹം കഴിക്കുന്നത്. ക്രിക്കറ്റ് താരങ്ങൾക്ക് പുറമേ ലോകമെമ്പാടുമുള്ള വ്യവസായ പ്രമുഖർ, സിനിമാതാരങ്ങൾ എന്നിവരും മാർച്ച് 1 മുതൽ ആരംഭിച്ച ആഘോഷങ്ങളിൽ പങ്കെടുക്കുന്നുണ്ട്. പ്രശസ്ത പോപ് ഗായിക റിഹാനയുടെ സംഗീത പരിപാടിയും ചടങ്ങിൽ ഒരുക്കിയിട്ടുണ്ട്.

ഒന്നാം ദിവസത്തെ ആഘോഷങ്ങൾ ' ഈവനിംഗ് ഇൻ എവർലാൻഡ്' (Evening in Everland) എന്ന തീമിലാണ് നടത്തിയത്. രണ്ടാം ദിവസം ' എ വാക്ക് ഓണ്‍ വൈല്‍ഡ് സൈഡ്' (A Walk on Wild Side) എന്ന പരിപാടിയാണ് സംഘടിപ്പിച്ചിട്ടുള്ളത്. ഇത് ജാംനഗറിലെ റിലയൻസിന്റെ മൃഗ പുനഃരധിവാസ കേന്ദ്രത്തിലാണ് നടക്കുക. "ജങ്കിള്‍ ഫീവർ (Jungle Fever)" എന്ന് പേരിട്ടിരിക്കുന്ന ഡ്രസ്സ്‌ കോഡ് ആണ് ഈ പരിപാടിയിൽ അതിഥികൾക്കായി നിർദ്ദേശിച്ചിരിക്കുന്നത്. അതിനായി ദക്ഷിണേഷ്യൻ വസ്ത്രധാരണ രീതിയിലാണ് ഒരുക്കിയിട്ടുള്ളത്.

ജാംനഗറിന്റെ പ്രകൃതി ഭംഗി ആസ്വദിക്കാൻ അതിഥികള്‍ക്ക് അവസരമൊരുക്കുന്നതായിരിക്കും മൂന്നാം ദിവസത്തെ "ടസ്കർ ട്രയല്‍സ് (Tusker Trails ) എന്ന പരിപാടി. ഇന്ത്യൻ പരമ്പരാഗത വസ്ത്രങ്ങള്‍ ധരിച്ചുകൊണ്ടുള്ള ഹസ്താക്ഷർ (Hastakshar) എന്ന പരിപാടിയോടു കൂടി മൂന്നു ദിവസം നീണ്ടുനിൽക്കുന്ന ആഘോഷപരിപാടികൾ അവസാനിക്കുകയും ചെയ്യും.