ടോക്യോയിൽ നിന്നും സ്വർണവുമായി വരിക - മുൻ പരിശീലകൻ കബീർ ഖാൻ'; ഇന്ത്യൻ വനിതാ ഹോക്കി ടീമിന് ഷാരൂഖ് ഖാന്റെ സ്പെഷ്യൽ സന്ദേശം

ദീപാവലി ആഘോഷിക്കാന്‍ ഒരുങ്ങുന്ന ഇന്ത്യയിലെ ജനങ്ങള്‍ക്കായി ടോക്യോയില്‍ നിന്നും സ്വര്‍ണമായി വരിക എന്നാണ് കിംഗ് ഖാൻ കുറിച്ചത്. ഇന്ത്യന്‍ വനിതാ ഹോക്കി താരങ്ങളുടെ കഥ പറഞ്ഞ ബോളിവുഡ് ചിത്രമായ ചക് ദേ ഇന്ത്യയില്‍ ഇന്ത്യന്‍ ടീമിന്റെ പരിശീലകനായ കബീര്‍ ഖാന്റെ വേഷമണിഞ്ഞ ഷാരുഖ് ഖാന്‍, ആ കഥാപാത്രം ഇന്ത്യന്‍ താരങ്ങളോട് ആവശ്യപ്പെടുന്ന പോലെയാണ് ട്വീറ്റ് ചെയ്തിരിക്കുന്നത്.

ബോളിവുഡ് സൂപ്പർ താരത്തിന്റെ ട്വീറ്റിന് ഇന്ത്യയുടെ ' ഒറിജിനല്‍' പരിശീലകന്‍ മറുപടി നല്‍കുകയും ചെയ്തതോടെ ആരാധകര്‍ക്കും ഇത് ആവേശ മുഹൂര്‍ത്തമായി. ' നിങ്ങള്‍ നല്‍കിയ എല്ലാ പിന്തുണക്കും സ്‌നേഹത്തിനും നന്ദി; ഞങ്ങള്‍ ഞങ്ങളുടെ കഴിവിന്റെ പരമാവധി നല്‍കും - എന്ന് ഇന്ത്യയുടെ യഥാര്‍ത്ഥ പരിശീലകന്‍.' - ഇന്ത്യയെ പരിശീലിപ്പിക്കുന്ന മാരിന്‍ ട്വീറ്റ് ചെയ്തു.

ഷാരൂഖ് ഖാന്‍ നായകാനായെത്തിയ ചിത്രത്തില്‍, ഓസ്ട്രേലിയയോട് ദയനീയമായി തോറ്റതിന് ശേഷം ഉയിര്‍ത്തെഴുന്നേറ്റ് അതേ ഓസ്ട്രേലിയയെ ഫൈനലില്‍ കീഴ്‌പെടുത്തി ഇന്ത്യന്‍ ടീം ലോക കിരീടം നേടുകയാണ് ചെയ്യുന്നത്. ഫൈനലില്‍ ഇന്ത്യയുടെ ഗോള്‍കീപ്പറുടെ മികവിലാണ് ഇന്ത്യന്‍ ടീം ജയിക്കുന്നത്.