മെസി ഗോളടിച്ചു; കുഞ്ഞിനു മെസി എന്നു പേരിട്ട് തൃശൂരിലെ മെസി ആരാധകൻ
- Published by:Jayesh Krishnan
- news18-malayalam
Last Updated:
അർജന്റീന - സൗദി അറേബ്യ മത്സരത്തിൻറെ ഇടവേളയിലാണ് മകന് മെസി എന്ന് പേരിട്ടത്.
ചാലക്കുടി: ഖത്തറിൽ ഇന്നലെ അർജന്റീന സൗദിയ്ക്കെതിരെ ആദ്യ ഗോൾ നേടിയപ്പോൾ ലൂസൈൽ സ്റ്റേഡിയത്തിൽ മാത്രമല്ല അതിൻറെ ആവേശം നിറഞ്ഞുനിന്നത്. ചലക്കുടി ഇൻഡോർ സ്റ്റേഡിയത്തിൽ മെസി ആരാധകൻ സ്വന്തം കുഞ്ഞിന് മെസി എന്ന പേരിട്ടാണ് തന്റെ സന്തോഷം പ്രകടിപ്പിച്ചത്.
പടിഞ്ഞാറേ ചാലക്കുടി കല്ലൂപറമ്പിൽ ഷനീർ - ഫാത്തിമ ദമ്പതികളാണ് ഇന്നലെ അർജന്റീന - സൗദി അറേബ്യ മത്സരത്തിൻറെ ഇടവേളയിൽ മകന് പേരിട്ടത്. 28-ാം ദിവസം ഫുട്ബോൾ മിശിഹയുടെ പേര് സ്വന്തമാക്കി കുഞ്ഞ് മെസി. ഐദിൻ മെസിയെന്നാണ് കുഞ്ഞിന്റെ പേരിന്റെ പൂർണരൂപം.
പേരിടാനായി എത്തിച്ചപ്പോൾ കുഞ്ഞു മെസ്സിയും അർജന്റീനയുടെ ജഴ്സി അണിഞ്ഞു. വിവാഹം കഴിഞ്ഞ അധികം വൈകാതെ ദമ്പതികൾ തീരുമാനിച്ചു. ആദ്യം ആൺകുട്ടിയാണെങ്കിൽ പേര് മെസി എന്ന് തന്നെ.
advertisement
അർജന്റീനയുടെ പതാകയുടെ നിറമുള്ള കേക്ക് മുറിച്ച് മധുരം പങ്കു വച്ചാണ് മെസിയും മാതാപിതാക്കളും സ്റ്റേഡിയം വിട്ടത്. നഗരസഭാധ്യക്ഷൻ എബി ജോർജ്, മുൻ നഗരസഭാധ്യക്ഷൻ വി.ഒ. പൈലപ്പൻ, നഗരസഭ പാർലമെന്ററി പാർട്ടി ലീഡർമാരായ ഷിബു വാലപ്പൻ, സിഎസ് സുരേഷ് എന്നിവരും ഒപ്പമുണ്ടായിരുന്നു.
Click here to add News18 as your preferred news source on Google. നിങ്ങളുടെ പ്രിയപ്പെട്ട സെലിബ്രിറ്റികളുടെ ഏറ്റവും ട്രെൻഡിങ് ന്യൂസ് വൈറൽ വീഡിയോ രസകരമായ വിശേഷങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
Nov 23, 2022 1:33 PM IST
