ന്യൂയോർക്ക് മൃഗശാലയിലെ കടുവയ്ക്കും കോവിഡ്

ന്യൂയോർക്ക്: കൊറോണ വൈറസ് മൃഗങ്ങളിലേക്കും പടരുന്നു. ഹോങ്കോങ്ങിൽ രണ്ട് പട്ടികൾക്ക് കോവിഡ് റിപ്പോർട്ട് ചെയ്തതിന് പിന്നാലെ ന്യൂയോർക്കിലെ മൃഗശാലയിലുള്ള കടുവയ്ക്കും കോവിഡ് പോസിറ്റീവ് റിപ്പോർട്ട് ചെയ്തു.

ന്യൂയോർക്ക് ബ്രോൺക്സ് മൃഗശാലയിലെ നാല് വയസ്സുള്ള കടുവയ്ക്കാണ് വൈറസ് സ്ഥിരീകരിച്ചത്. നേരത്തേ കടുവയെ പരിപാലിച്ച മൃഗശാല ജീവനക്കാരന് രോഗം കണ്ടെത്തിയിരുന്നു. ഇദ്ദേഹത്തിൽ നിന്നാകാം കടുവയ്ക്കും രോഗബാധയുണ്ടായതെന്നാണ് കരുതുന്നത്.

കടുവയെ കൂടാതെ മൃഗശാലയിലുള്ള മൂന്ന് ആഫ്രിക്കൻ സിംഹങ്ങളും മറ്റൊരു കടുവയും രോഗലക്ഷണങ്ങൾ കാണിച്ചു തുടങ്ങിയിട്ടുണ്ട്.
BEST PERFORMING STORIES:സംഗീത സംവിധായകൻ എം.കെ. അർജുനൻ അന്തരിച്ചു; ഓർമയാകുന്നത് മറക്കാനാവാത്ത ഗാനങ്ങളുടെ ശില്പി [NEWS]കാസർഗോഡ് മെഡിക്കൽ കോളേജ് കോവിഡ് ആശുപത്രിയാകുന്നു; നിർമാണം പൂർത്തിയാകുന്നത് നാലുദിവസംകൊണ്ട് [PHOTO]വില 30000 കോടി രൂപ! സ്റ്റാച്യു ഓഫ് യൂണിറ്റി വിൽക്കുന്നുവെന്ന് ഓൺലൈൻ പരസ്യം; കേസെടുത്ത് പൊലീസ് [NEWS]

കോവിഡിനെ തുടർന്ന് രാജ്യത്തെ മ്യൂസിയങ്ങളും മൃഗശാലകളുമെല്ലാം അടിച്ചിരിക്കുകയാണ്.

വളർത്തു മൃഗങ്ങളിൽ കൊറോണ വൈറസ് പകരുമോ എന്നതിൽ പഠനങ്ങൾ തുടരുകയാണ്. നേരത്തേ, ബെൽജിയത്ത് ഒരു വളർത്തു പൂച്ചയ്ക്ക് കോവിഡ് സ്ഥിരീകരിച്ചിരുന്നു. രോഗബാധയുള്ള ഉടമയിൽ നിന്നാണ് പൂച്ചയ്ക്ക് രോഗം പിടിപെട്ടത്. പൂച്ചകൾക്ക് മനുഷ്യരിൽ നിന്ന് രോഗം വ്യാപിക്കുമെന്ന് പഠനങ്ങൾ പറയുന്നു. എന്നാൽ പട്ടി, കോഴി, പന്നി തുടങ്ങിയ വളർത്തുമൃഗങ്ങൾക്ക് മനുഷ്യരിൽ നിന്ന് വൈറസ് ബാധയേൽക്കുമോയെന്ന് കണ്ടെത്തിയിട്ടില്ല.