Viral video | വിദേശത്തല്ല, ഇവിടെത്തന്നെ; കാറിനു മുന്നിൽ ഭിക്ഷ യാചിച്ചു വന്നയാൾക്ക് QR കോഡ്; വീഡിയോ വൈറൽ

Published by:meera_57
news18-malayalam

Last Updated:Mar 26, 2024 12:56 PM IST

QR കോഡുള്ള ഫോൺപേ കാർഡ് കഴുത്തിൽ തൂക്കിയ ആൾ കാറിൽ രണ്ട് യാത്രക്കാരെ സമീപിക്കുന്നതും അവരിൽ ഒരാൾ കോഡ് സ്കാൻ ചെയ്ത് 10 രൂപ അയച്ച് കൊടുക്കുന്നതും വൈറൽ വീഡിയോയിൽ കാണാം

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

സാങ്കേതികവിദ്യ തീർച്ചയായും നമ്മുടെ ജീവിതരീതിയെ മാറ്റിമറിച്ചു. ഒരുപാടു പേരുടെ ദൈനംദിന ജോലികൾ വേഗത്തിലാക്കുകയും തടസ്സരഹിതമാക്കുകയും ചെയ്യാൻ സാങ്കേതിക സഹായം ഉപകരിച്ചിട്ടുണ്ട്. ആളുകൾ സാങ്കേതികവിദ്യ ഉപയോഗിക്കുന്ന നൂതനമായ രീതി പലപ്പോഴും അമ്പരപ്പിക്കുന്നതാണ്. ഇൻ്റർനെറ്റിൽ പ്രചരിക്കുന്ന ഒരു വീഡിയോയിൽ ഒരാൾ സാങ്കേതികവിദ്യ ഉപയോഗിക്കാമെന്നതിന് പരിധികളില്ലെന്ന് തെളിയിക്കുന്നു. അസമിലെ ഗുവാഹത്തിയിൽ കാഴ്ച വൈകല്യമുള്ള ഒരു യാചകൻ കഴുത്തിൽ ഫോൺപേ QR കോഡ് കാർഡ് ധരിച്ച് ഭിക്ഷ യാചിക്കുന്നത് അടുത്തിടെ വൈറലായിരുന്നു.

QR കോഡുള്ള ഫോൺപേ കാർഡ് കഴുത്തിൽ തൂക്കിയ ദശരഥ് എന്നയാൾ കാറിൽ രണ്ട് യാത്രക്കാരെ സമീപിക്കുന്നതും അവരിൽ ഒരാൾ കോഡ് സ്കാൻ ചെയ്ത് 10 രൂപ അയച്ച് കൊടുക്കുന്നതും വൈറൽ ഫൂട്ടേജിൽ കാണാം. യാചകൻ ഫോൺ അയാളുടെ ചെവിയുടെ അടുത്തേക്ക് കൊണ്ടുവരുന്നു. അക്കൗണ്ടിൽ പണം നിക്ഷേപിച്ചെന്ന അറിയിപ്പ് ഇയാൾ ശ്രവിക്കുന്നതും കാണാം. ഒരു X ഉപയോക്താവാണ് ക്ലിപ്പ് പോസ്റ്റ് ചെയ്തത്. വീഡിയോ ചുവടെ കാണാം:

Stumbled upon a remarkable scene in bustling #Guwahati – a beggar seamlessly integrating digital transactions into his plea for help, using PhonePe! Technology truly knows no bounds.
It's a testament to the power of technology to transcend barriers, even those of socio-economic… pic.twitter.com/7s5h5zFM5i

— Gauravv Somani (@somanigaurav) March 24, 2024

എന്നിരുന്നാലും, ക്ലിപ്പ് കണ്ടതിന് ശേഷം നെറ്റിസൺസ് വ്യത്യസ്ത അഭിപ്രായങ്ങൾ പ്രകടിപ്പിച്ചു. ദശരഥിനെപ്പോലെ ബുദ്ധിമുട്ടുന്ന ആളുകൾക്ക് സാങ്കേതിക മുന്നേറ്റങ്ങൾ എങ്ങനെ പ്രയോജനകരമാണെന്ന് അവരിൽ ഒരാൾ പ്രശംസിച്ചു.

Summary: A video emerged on the internet shows a visually challenged man seeking alms on the streets of Assam wearing a QR code string hanging down from his neck. The clip quickly gained traction, and people are commenting their views underneath. It is being circulated on X, formerly Twitter