അധ്യാപകരാകണോ? അഖിലേന്ത്യാ അധ്യാപക അഭിരുചി പരീക്ഷ C-TETന് അപേക്ഷിക്കാം
- Published by:Rajesh V
- news18-malayalam
Last Updated:
രാജ്യത്ത് വിവിധയിടങ്ങളിലുള്ള 132 നഗരങ്ങളില് പരീക്ഷ എഴുതാനവസരമുണ്ട്. ഇന്ത്യയിലെ 20 ഭാഷകളില് പരീക്ഷ എഴുതാം
സ്കൂൾ തല അധ്യാപക നിയമനത്തിന് കേന്ദ്ര സർക്കാർ ആവിഷ്കരിച്ച യോഗ്യതാ പരീക്ഷയായ സി -ടെറ്റ് (സെൻട്രൽ ടീച്ചർ എലിജിബിലിറ്റി ടെസ്റ്റ്)ന് ഇപ്പോൾ അപേക്ഷിക്കാം. കേന്ദ്രീയ വിദ്യാലയങ്ങൾ, സൈനിക സ്കൂളുകൾ, നവോദയ വിദ്യാലയങ്ങളടക്കം കേന്ദ്ര സർക്കാരിന്റെയും കേന്ദ്ര ഭരണപ്രദേശങ്ങളുടേയും നിയന്ത്രണത്തിലുള്ള എല്ലാ സ്കൂളുകളിലേയും നിയമനത്തിന് സി-ടെറ്റ് യോഗ്യത നേടിയിരിക്കണം. വിവിധ സംസ്ഥാനങ്ങളിലെ സർക്കാർ / എയ്ഡഡ് / അൺ എയ്ഡഡ് സ്കൂളുകളിലും സി.ബി.എസ്.ഇ., ഐ.സി.എസ്.സി. സ്കൂളുകളിലും ഇത് പരിഗണിക്കപ്പെടുന്നുണ്ട്. സി ടെറ്റ് പരീക്ഷയ്ക്ക് എത്ര തവണ വേണമെങ്കിലും എഴുതാവുന്നതാണ്. സി.ബി.എസ്.സി.യ്ക്കാണ്, നടത്തിപ്പ് ചുമതല.അപേക്ഷ നൽകാനുള്ള അവസാന തീയതി, ഡിസംബര് 18 ആണ്. 2026 ഫെബ്രുവരി 8നാണ് സി-ടെറ്റ് പരീക്ഷ.
രാജ്യത്ത് വിവിധയിടങ്ങളിലുള്ള 132 നഗരങ്ങളില് പരീക്ഷ എഴുതാനവസരമുണ്ട്. ഇന്ത്യയിലെ 20 ഭാഷകളില് പരീക്ഷ എഴുതാം. പേപ്പര് I, II എന്നിങ്ങനെ രണ്ട് പരീക്ഷകളുണ്ട്. ഇരു പരീക്ഷകളും ഫെബ്രുവരി 8ന് രാവിലെയും ഉച്ചയ്ക്കുമായാണ് നടക്കുക. ഒന്നുമുതൽ 5 വരെ ക്ലാസുകളിലെ അധ്യാപക യോഗ്യതയ്ക്കായി പേപ്പര്-1 പരീക്ഷയും 6 മുതല് 8 വരെ ക്ലാസുകളിലെ അധ്യാപക യോഗ്യതയ്ക്ക് പേപ്പര്-II പരീക്ഷയുമാണ് നടത്തുക. ഓഫ്ലൈനായി നടക്കുന്ന പരീക്ഷയിൽ മള്ട്ടിപ്പിള് ചോയ്സ് ചോദ്യങ്ങളാണ് ഉണ്ടാവുക.
അപേക്ഷാ യോഗ്യത
നാഷണല് കൗണ്സില് ഫോര് ടീച്ചര് എജ്യുക്കേഷന് (NCTE) നിശ്ചയിച്ചിട്ടുള്ള യോഗ്യതാ മാനദണ്ഡങ്ങള് അനുസരിച്ച്, പേപ്പര്-1 ന് അപേക്ഷിക്കുന്ന പരീക്ഷാർത്ഥികൾ, കുറഞ്ഞത് 50% മാര്ക്കോടെ പന്ത്രണ്ടാം ക്ലാസ് പാസായിരിക്കണം. കൂടാതെ, രണ്ട് വര്ഷത്തെ D.El.Ed അല്ലെങ്കില് നാല് വര്ഷത്തെ B.El.Ed കോഴ്സും പൂര്ത്തിയാക്കിയിരിക്കണം. പേപ്പര്-IIന്, ഉദ്യോഗാര്ഥികള് കുറഞ്ഞത് 50 ശതമാനം മാര്ക്കോടെ ബിരുദവും, ബി.എഡ് അല്ലെങ്കില് തത്തുല്യമായ ബിരുദവും നേടിയിരിക്കണം. അപേക്ഷകർക്ക് , 18വയസ് നിർബന്ധമായും ഉണ്ടായിരിക്കണം.
advertisement
അപേക്ഷാ ക്രമം
ഉദ്യോഗാർത്ഥികൾ ആദ്യം CTET ഔദ്യോഗിക വെബ്സൈറ്റ് സന്ദർശിച്ച് , ഹോം പേജിൽ നൽകിയിരിക്കുന്ന രജിസ്ട്രേഷൻ ലിങ്കിൽ ക്ലിക്ക് ചെയ്യണം. ആവശ്യപ്പെട്ട വിശദാംശങ്ങൾ ഉപയോഗിച്ച് രജിസ്റ്റർ ചെയ്യുക, രജിസ്ട്രേഷൻ നമ്പർ സേവ് ചെയ്യുക. തുടർന്ന്, ഓൺലൈൻ അപേക്ഷാ ഫോം പൂരിപ്പിച്ച് രേഖകൾ അപ്ലോഡ് ചെയ്യേണ്ടതാണ്. അതിനുശേഷം, ഫീസ് അടച്ച് സ്ഥിരീകരണ പേജിന്റെ പ്രിന്റൗട്ട് എടുക്കേണ്ടതാണ്.
STEP 1:
Log on to CTET official web site https://ctet.nic.in
advertisement
STEP 2:
Go to the link “Apply Online” and open the same.
STEP 3:
Fill in the Online Application Form and note down Registration No./Application No.
STEP 4:
Upload latest Scanned Photograph and Signature
STEP 5:
Pay Examination Fee by debit/credit card and net banking.
STEP 6: Print Confirmation page for record and future reference.
advertisement
അപ് ലോഡ് ചെയ്യേണ്ട ഫോട്ടോയും ഒപ്പുമായി ബന്ധപ്പെട്ട് ശ്രദ്ധിക്കേണ്ട കാര്യങ്ങൾ
1.Scanned Photo and Signature in JPG/JPEG format.
2.Size of scanned photograph should be between10 to100 KB
3.Image Dimension of photograph should be 3.5cm (width) x 4.5cm (height).
4.Size of scanned signature should be between 3 to 30 KB.
5.Image Dimension of signature should be 3.5cm(length) x1.5cm(height)
advertisement
അപേക്ഷാ ഫീസ്
ജനറൽ, ഒബിസി വിഭാഗങ്ങളിലെ അപേക്ഷകർ ഒന്നും രണ്ടും പേപ്പറുകൾക്ക് മാത്രം 1000/- രൂപയും പേപ്പർ ഒന്നും രണ്ടും പേപ്പറുകൾക്ക് ചേർന്ന് 1200 /- രൂപയും നൽകണം. പട്ടികജാതി/വർഗ്ഗ / ഭിന്നശേഷി വിഭാഗങ്ങളിൽ നിന്നുള്ള ഉദ്യോഗാർത്ഥികൾ ഒന്നും രണ്ടും പേപ്പറുകൾക്ക് മാത്രം 500/- രൂപയും ഒന്നും രണ്ടും പേപ്പറുകൾക്ക് ചേർന്ന് 600 /- രൂപയും നൽകണം
കൂടുതൽ വിവരങ്ങൾക്കും രജിസ്ട്രേഷനും
തയാറാക്കിയത്- ഡോ. ഡെയ്സൻ പാണേങ്ങാടൻ
(കഴിഞ്ഞ 15 വർഷക്കാലമായി ബിരുദ -ബിരുദാനന്തര തലങ്ങളിൽ അധ്യാപന രംഗത്തുള്ള ഡോ. ഡെയ്സൻ പാണേങ്ങാടന് എഞ്ചിനീയറിംഗ് കോളേജിലും അധ്യാപന പരിശീലന കേന്ദ്രങ്ങളിലും പഠിപ്പിച്ച അനുഭവസമ്പത്തുണ്ട്. 2013 മുതൽ തൃശ്ശൂർ സെന്റ് തോമസ് കോളേജിലെ ഫിസിക്സ് ഡിപ്പാർട്ടുമെന്റിൽ അസി.പ്രഫസർ. കരിയർ കൗൺസലിംഗും കരിയർ ഓറിയന്റേഷൻ ക്ലാസ്സുകളും സംസ്ഥാന തലത്തിൽ നടത്തുന്നു. daisonpanengadan@gmail.com)
ഏറ്റവും പുതിയ ജോലി സാദ്ധ്യതകൾ, ബോർഡ് പരീക്ഷകൾ എല്ലാം അറിയാൻ News18 മലയാളത്തിനൊപ്പം വരൂ
Location :
Thiruvananthapuram [Trivandrum],Thiruvananthapuram,Kerala
First Published :
December 02, 2025 12:55 PM IST
മലയാളം വാർത്തകൾ/ വാർത്ത/Career/
അധ്യാപകരാകണോ? അഖിലേന്ത്യാ അധ്യാപക അഭിരുചി പരീക്ഷ C-TETന് അപേക്ഷിക്കാം
