CUSAT| മികവിന്റെ കേന്ദ്രമായ കുസാറ്റിൽ പഠിക്കാം; പ്രവേശന പരീക്ഷയ്ക്ക് മാർച്ച് 10 വരെ അപേക്ഷിക്കാം

കൊച്ചിൻ യൂണിവേഴ്‌സിറ്റി ഓഫ് സയൻസ് ആൻഡ് ടെക്‌നോളജി (CUSAT) 1971ൽ കൊച്ചിയിൽ സ്ഥാപിക്കപ്പെട്ട ഒരു സ്വയംഭരണ സർ‌വ്വകലാശാലയാണ്‌. കൊച്ചിയിൽ രണ്ടും, ആലപ്പുഴയിലെ കുട്ടനാട്ടിൽ ഒന്നും കാമ്പസുകൾ, സർവ്വകലാശാലയ്ക്കുണ്ട്. ഉയർന്ന പഠനനിലവാരത്തോടൊപ്പം മികച്ച പ്ലേയ്സ്മെൻ്റ് സാധ്യതകളും കുസാറ്റ് ഓഫർ ചെയ്യുന്നു. പ്രവേശന പരീക്ഷയ്ക്കുള്ള ഓൺലൈൻ അപേക്ഷ, ഫെബ്രുവരി 6 മുതൽ മാർച്ച് 10 വരെ നൽകാനവസരമുണ്ട്. കൂസാറ്റ് ടെസ്റ്റിൽ റാങ്കുള്ളവർക്ക് ഓപ്ഷൻ റജിസ്ട്രേഷൻ സമയത്ത് സ്വന്തം മുൻഗണനാക്രമമനുസരിച്ച് പ്രോഗ്രാമുകൾ തിരഞ്ഞെടുക്കാനവസരമുണ്ട്.