തിയേറ്റർ ആർട്സിൽ കേമരാകാം; സ്കൂൾ ഓഫ് ഡ്രാമ നിങ്ങളെ വിളിയ്ക്കുന്നു

Published by:Rajesh V
news18-malayalam

Last Updated:Sep 21, 2024 8:59 AM IST

പ്ലസ്ടു / തത്തുല്ല്യ യോഗ്യതയുള്ളവര്‍ക്ക് സെപ്റ്റംബർ 23 വരെ ഓണ്‍ലൈനായിട്ടാണ് അപേക്ഷിക്കാനവസരം

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

ഈ അധ്യയന വര്‍ഷത്തെ കാലിക്കറ്റ് സർവകലാശാലാ സ്കൂള്‍ ഓഫ് ഡ്രാമയിലെ ഇന്റഗ്രേറ്റഡ് എംടിഎ പ്രവേശനത്തിന് ഇപ്പോൾ അപേക്ഷിക്കാം. ബിരുദവും ബിരുദാനന്തര ബിരുദവും സംയോജിതമായി നൽകുന്ന ഇൻ്റഗ്രേറ്റഡ് പ്രോഗ്രാമാണ് എംടിഎ. പ്ലസ്ടു / തത്തുല്ല്യ യോഗ്യതയുള്ളവര്‍ക്ക് സെപ്റ്റംബർ 23 വരെ ഓണ്‍ലൈനായിട്ടാണ് അപേക്ഷിക്കാനവസരം.

അപേക്ഷാ ക്രമം

ഓണ്‍ലൈനായിട്ടാണ് അപേക്ഷ സമർപ്പിക്കേണ്ടത്. അപേക്ഷക്രമത്തിൻ്റെ അവസാനമാണ് രജിസ്‌ട്രേഷൻ ഫീസ് അടയ്‌ക്കേണ്ടത്. ജനറല്‍ വിഭാഗത്തിന് 610/- രൂപയാണ്, അപേക്ഷാഫിസ് എന്നാൽ സംവരണ വിഭാഗങ്ങളിൽ പെടുന്നവർ (എസ്.സി. /എസ്.ടി. വിഭാഗക്കാർ) 270/- രൂപ, അപേക്ഷാ ഫീസിനത്തിൽ ഒടുക്കിയാൽ മതി. അപേക്ഷയുടെ പ്രിന്റ്ഔട്ട് ലഭിക്കുന്നതോടെ മാത്രമേ അപേക്ഷ നടപടിക്രമം പൂർണമാക്കുകയുള്ളൂ.

തിരഞ്ഞെടുപ്പ്

അഭിരുചി പരീക്ഷ (Calicut University Common Admission Test: CUCAT 2024-2025), അഭിമുഖം, ശില്പശാല, പ്ലസ്‌ടുവിന് ലഭിച്ച മാര്‍ക്ക് എന്നിവയുടെ അടിസ്ഥാനത്തില്‍ ആയിരിക്കും, തെരഞ്ഞെടുപ്പിനുള്ള റാങ്ക് ലിസ്റ്റ് തയ്യാറാക്കുക. അഭിരുചി പരീക്ഷയുടെ തീയതി, റാങ്ക് ലിസ്റ്റ് പ്രസിദ്ധീകരിക്കുന്ന തീയതി, പ്രവേശനം ആരംഭിക്കുന്ന തീയതി തുടങ്ങിയ യൂണിവേഴ്സിറ്റി വെബ്സൈറ്റില്‍ പ്രസിദ്ധീകരിക്കുന്നതാണ്.

കൂടുതൽ വിവരങ്ങൾക്കും അപേക്ഷാ സമർപ്പണത്തിനും

https://admission.uoc.ac.in/

https://admission.uoc.ac.in/admission?pages=entrance

ഫോൺ

0494 2407016

0494 2407017

തയാറാക്കിയത്: ഡോ. ഡെയ്സൻ പാണേങ്ങാടൻ

(കഴിഞ്ഞ 15 വർഷക്കാലമായി ബിരുദ -ബിരുദാനന്തര തലങ്ങളിൽ അധ്യാപന രംഗത്തുള്ള ഡോ. ഡെയ്സൻ പാണേങ്ങാടന് എഞ്ചിനീയറിംഗ് കോളേജിലും അധ്യാപന പരിശീലന കേന്ദ്രങ്ങളിലും പഠിപ്പിച്ച അനുഭവസമ്പത്തുണ്ട്. 2013 മുതൽ തൃശ്ശൂർ സെന്റ് തോമസ് കോളേജിലെ ഫിസിക്സ് ഡിപ്പാർട്ടുമെന്റിൽ അസി.പ്രഫസർ. കരിയർ കൗൺസലിംഗും കരിയർ ഓറിയന്റേഷൻ ക്ലാസ്സുകളും സംസ്ഥാന തലത്തിൽ നടത്തുന്നു. (daisonpanengadan@gmail.com)