Covid Vaccine| സംസ്ഥാനത്ത് ആദ്യദിനം വാക്സിനേഷന് സ്വീകരിച്ചത് 38,417 കുട്ടികള്; കൂടുതൽ പേർ തലസ്ഥാനത്ത്
- Published by:Rajesh V
- news18-malayalam
Last Updated:
9338 ഡോസ് വാക്സിന് നല്കിയ തിരുവനന്തപുരം (Thiruvananthapuram) ജില്ലയാണ് ഏറ്റവും കൂടുതല് കുട്ടികള്ക്ക് വാക്സിന് നല്കിയത്. 6868 പേര്ക്ക് വാക്സിന് നല്കി കൊല്ലം (Kollam) ജില്ല രണ്ടാം സ്ഥാനത്തും 5018 പേര്ക്ക് വാക്സിന് നല്കി തൃശൂര് (Thrissur) ജില്ല മൂന്നാം സ്ഥാനത്തുമാണ്.
തിരുവനന്തപുരം: സംസ്ഥാനത്ത് 15നും 18നും ഇടയ്ക്ക് പ്രായമുള്ള 38,417 കുട്ടികള്ക്ക് ആദ്യദിനം കോവിഡ് വാക്സിന് (Covid Vaccine) നല്കിയതായി ആരോഗ്യമന്ത്രി വീണാ ജോര്ജ് (Veena George). കുട്ടികള്ക്ക് കോവാക്സിനാണ് നല്കുന്നത്. 9338 ഡോസ് വാക്സിന് നല്കിയ തിരുവനന്തപുരം (Thiruvananthapuram) ജില്ലയാണ് ഏറ്റവും കൂടുതല് കുട്ടികള്ക്ക് വാക്സിന് നല്കിയത്. 6868 പേര്ക്ക് വാക്സിന് നല്കി കൊല്ലം (Kollam) ജില്ല രണ്ടാം സ്ഥാനത്തും 5018 പേര്ക്ക് വാക്സിന് നല്കി തൃശൂര് (Thrissur) ജില്ല മൂന്നാം സ്ഥാനത്തുമാണ്.
''551 കുട്ടികളുടെ വാക്സിനേഷന് കേന്ദ്രങ്ങളാണുണ്ടായിരുന്നത്. എല്ലാ വാക്സിനേഷന് കേന്ദ്രങ്ങളിലും വലിയ ഉത്സാഹത്തോടെയാണ് കുട്ടികളെത്തിയത്. മിക്ക കേന്ദ്രങ്ങളിലും നല്ല തിരക്കായിരുന്നു. ആര്ക്കും തന്നെ പാര്ശ്വഫലങ്ങളൊന്നും റിപ്പോര്ട്ട് ചെയ്തിട്ടില്ല''- മന്ത്രി വ്യക്തമാക്കി.
തിരുവനന്തപുരം 9338, കൊല്ലം 6868, പത്തനംതിട്ട 1386, ആലപ്പുഴ 3009, കോട്ടയം 1324, ഇടുക്കി 2101, എറണാകുളം 2258, തൃശൂര് 5018, പാലക്കാട് 824, മലപ്പുറം 519, കോഴിക്കോട് 1777, വയനാട് 1644, കണ്ണൂര് 1613, കാസര്ഗോഡ് 738 എന്നിങ്ങനേയാണ് കുട്ടികള്ക്ക് വാക്സിന് നല്കിയത്.
advertisement
ജനുവരി 10 വരെ നടക്കുന്ന വാക്സിനേഷന് യജ്ഞത്തിന്റെ ഭാഗമായി തിങ്കള്, ചൊവ്വ, വ്യാഴം, വെള്ളി, ശനി, ഞായര് എന്നീ ദിവസങ്ങളില് ജില്ല, ജനറല്, താലൂക്ക് ആശുപത്രികള്, സാമൂഹ്യ ആരോഗ്യ കേന്ദ്രങ്ങള് എന്നിവിടങ്ങളിലും ചൊവ്വ, വെള്ളി, ശനി, ഞായര് എന്നീ ദിവസങ്ങളില് പ്രാഥമിക, കുടുംബാരോഗ്യ കേന്ദ്രങ്ങളിലും കുട്ടികള്ക്കുള്ള പ്രത്യേക വാക്സിനേഷന് കേന്ദ്രങ്ങള് ഉണ്ടായിരിക്കും. ഒമിക്രോണ് സാഹചര്യത്തില് എല്ലാവരും കുട്ടികളെ വാക്സിന് എടുപ്പിക്കേണ്ടതാണ്. 18 വയസിന് മുകളിലുള്ളവരില് വാക്സിനെടുക്കാന് ബാക്കിയുള്ളവരും രണ്ടാം ഡോസെടുക്കാന് സമയം കഴിഞ്ഞവരും എത്രയും വേഗം വാക്സിന് എടുക്കണമെന്നും മന്ത്രി അഭ്യര്ത്ഥിച്ചു.
advertisement
ഞായറാഴ്ച രാത്രി 5,02,700 ഡോസ് കോവാക്സിന് സംസ്ഥാനത്തെത്തിയിരുന്നു. ഇന്ന് എറണാകുളത്ത് 57,300 ഡോസ് കോവാക്സിന് കൂടി എത്തിയിട്ടുണ്ട്.
സംസ്ഥാനത്ത് 29 പേര്ക്ക് കൂടി ഒമിക്രോണ് സ്ഥിരീകരിച്ചു: ആകെ രോഗം ബാധിച്ചത് 181 പേർക്ക്
സംസ്ഥാനത്ത് 29 പേര്ക്ക് കൂടി ഒമിക്രോണ് (Omicron) സ്ഥിരീകരിച്ചതായി ആരോഗ്യ മന്ത്രി വീണാ ജോര്ജ് (Veena George) അറിയിച്ചു. തിരുവനന്തപുരം 10, ആലപ്പുഴ 7, തൃശൂര് 6, മലപ്പുറം 6 എന്നിങ്ങനെയാണ് ഒമിക്രോണ് സ്ഥിരീകരിച്ചത്. ഇതില് 25 പേര് ലോ റിസ്ക് രാജ്യങ്ങളില് നിന്നും 2 പേര് ഹൈ റിസ്ക് രാജ്യങ്ങളില് നിന്നും വന്നതാണ്. 2 പേര്ക്കാണ് സമ്പര്ക്കത്തിലൂടെ ഒമിക്രോണ് ബാധിച്ചത്. ആലപ്പുഴയിലെ 2 പേര്ക്കാണ് സമ്പര്ക്കത്തിലൂടെ ഒമിക്രോണ് ബാധിച്ചത്.
advertisement
തിരുവനന്തപുരത്ത് 9 പേര് യുഎഇയില് നിന്നും, ഒരാള് ഖത്തറില് നിന്നും വന്നതാണ്. ആലപ്പുഴയില് 3 പേര് യുഎഇയില് നിന്നും 2 പേര് യുകെയില് നിന്നും, തൃശൂരില് 3 പേര് കാനഡയില് നിന്നും, 2 പേര് യഎഇയില് നിന്നും, ഒരാള് ഈസ്റ്റ് ആഫ്രിക്കയില് നിന്നും, മലപ്പുറത്ത് 6 പേര് യുഎഇയില് നിന്നും വന്നതാണ്.
ഇതോടെ സംസ്ഥാനത്ത് ആകെ 181 പേര്ക്കാണ് ഒമിക്രോണ് സ്ഥിരീകരിച്ചത്. ഹൈ റിസ്ക് രാജ്യങ്ങളില് നിന്നും ആകെ 52 പേരും ലോ റിസ്ക് രാജ്യങ്ങളില് നിന്നും 109 പേരും എത്തിയിട്ടുണ്ട്. 20 പേര്ക്കാണ് ആകെ സമ്പര്ക്കത്തിലൂടെ രോഗം ബാധിച്ചത്.
advertisement
ഒമിക്രോണ് ബാധിച്ച് ചികിത്സയിലായിരുന്ന 42 പേരെ ഇതുവരെ ഡിസ്ചാര്ജ് ചെയ്തു. എറണാകുളം 16, തിരുവനന്തപുരം 15, തൃശൂര് 4, ആലപ്പുഴ 3, പത്തനംതിട്ട, കോട്ടയം, മലപ്പുറം, കണ്ണൂര് ഒരാള് വീതം എന്നിങ്ങനെയാണ് ഡിസ്ചാര്ജ് ചെയ്തത്. ഇതോടെ 139 പേരാണ് ചികിത്സയിലുള്ളത്.
Location :
First Published :
Jan 03, 2022 7:20 PM IST
മലയാളം വാർത്തകൾ/ വാർത്ത/Corona/
Covid Vaccine| സംസ്ഥാനത്ത് ആദ്യദിനം വാക്സിനേഷന് സ്വീകരിച്ചത് 38,417 കുട്ടികള്; കൂടുതൽ പേർ തലസ്ഥാനത്ത്
