കോവിഡ്: മലപ്പുറത്ത് 5 പേർ രോഗമുക്തരായി; ഇനി ചികിത്സയിലുള്ളത് ഒരാൾ

മഞ്ചേരി ഗവ. മെഡിക്കല്‍ കോളജിലെ ഐസൊലേഷന്‍ കേന്ദ്രത്തില്‍ കഴിഞ്ഞിരുന്ന അഞ്ച് പേരാണ് ഇന്ന് രോഗമുക്തരായി വീടുകളിലേക്ക് മടങ്ങിയത്.  വേങ്ങര കൂരിയാട് സ്വദേശി മടപ്പള്ളി അബ്ബാസ് (63), തിരൂര്‍ തെക്കന്‍ പുല്ലൂര്‍ സ്വദേശി ചീനിക്കല്‍ ഷറഫുദ്ദീന്‍ (39), നിലമ്പൂര്‍ ചുങ്കത്തറ സ്വദേശി പള്ളിക്കല്‍ സനീം അഹമ്മദ് (30), വേങ്ങര കണ്ണമംഗലം സ്വദേശി കല്ലുപറമ്പന്‍ സുലൈഖ (45), മമ്പുറം വെട്ടം ബസാര്‍ സ്വദേശി നെരിക്കൂല്‍ സാജിദ (42) എന്നിവരാണ് ആശുപത്രി വിട്ടത്.

ജില്ലയില്‍ ഇതുവരെ രോഗബാധിതരായ 20 പേരില്‍ 18 പേരും രോഗമുക്തരായി. എന്നാൽ കോഴിക്കോട് മെ‍ഡിക്കൽ കോളജിൽ ചികിത്സയിലിരികെ നാലുമാസം പ്രായമുള്ള കുട്ടി മരിച്ചിരുന്നു.