തബ് ലീഗ് നേതാവിന്റെ വിവാദ ഓഡിയോ സന്ദേശം വ്യാജമെന്ന് സംശയം; ഫോറൻസിക് പരിശോധനക്കയച്ചു

കാന്ധൽവിക്കെതിരെ ക്രൈംബ്രാഞ്ച് റജിസ്റ്റർ ചെയ്ത കേസില്‍ തെളിവായി ഉൾപ്പെടുത്തിയ ഈ ഓഡിയോ ക്ലിപ്പുകൾ ഫോറന്‍സിക് ലാബോറട്ടറിയിൽ വിദഗ്ധ പരിശോധനയ്ക്കായി അയച്ചിരിക്കുകയാണ്. വിവിധ ഓഡിയോ ക്ലിപ്പുകൾ ഒരുമിച്ച് ചേർത്ത് നിർമ്മിച്ച ഒരു സന്ദേശമാണിതെന്നാണ് പൊലീസ് റിപ്പോർട്ടിൽ പറയുന്നതെന്നാണ് ഇന്ത്യൻ എക്സ്പ്രസ് റിപ്പോർട്ട് ചെയ്യുന്നത്. ആ സാഹചര്യത്തിലാണ് ഓഡിയോ സന്ദേശം വ്യാജമാണെന്ന നിഗമനത്തിൽ പൊലീസ് എത്തിയതും വിദഗ്ധ പരിശോധനകൾക്കായി അയച്ചതും.