COVID 19 | രോഗബാധിതർ കൂടുന്നു; കുവൈറ്റിൽ മെയ് 10 മുതൽ സമ്പൂര്‍ണ്ണ കർഫ്യു

കഴിഞ്ഞ 24 മണിക്കൂറിനിടെ കുവൈറ്റിൽ 641 പേർക്കാണ് കോവിഡ് സ്ഥിരീകരിച്ചത്. രാജ്യത്ത് ഒറ്റദിവസം റിപ്പോർട്ട് ചെയ്യപ്പെടുന്ന ഏറ്റവും ഉയർന്ന കണക്കാണിത്. ഇതോടെ രാജ്യത്ത് വൈറസ് ബാധികരുടെ എണ്ണം 7208 ആയി ഉയർന്നു. 47 മരണങ്ങളും റിപ്പോർട്ട് ചെയ്യപ്പെട്ടിട്ടുണ്ട്. ഈ സാഹചര്യങ്ങളെല്ലാം കണക്കിലെടുത്താണ് മുഴുവൻ സമയ കർഫ്യു നടപ്പിലാക്കുന്നത്. അടുത്ത ദിവസം വൈകുന്നേരം നാല് മണി മുതൽ കർഫ്യു പ്രാബല്യത്തില്‍ വരും.