കോവിഡ് നിയന്ത്രണങ്ങൾ കൊണ്ടുള്ള വിരസത ആളുകളെ നിയമലംഘകരാക്കുമോ? പഠനങ്ങൾ പറയുന്നതിങ്ങനെ

കോവിഡ് മഹാമാരി നമ്മുടെ ജീവിതത്തിൽ വലിയ മാറ്റങ്ങൾക്കാണ് ഇടയാക്കിയത്. നമ്മുടെ ദൈനംദിന ജീവിതങ്ങളിൽ വലിയ നിയന്ത്രണങ്ങൾ അത് അടിച്ചേൽപ്പിച്ചു. മിക്കവാറും നിയന്ത്രണങ്ങളും രാഷ്ട്രീയവൽക്കരിക്കപ്പെടുന്ന സ്ഥിതിയും ഉണ്ടായി. എന്നാൽ, തീവ്രമായ വിരസത അനുഭവിക്കുന്ന ആളുകളെ സംബന്ധിച്ചിടത്തോളം ഈ നിയന്ത്രണങ്ങളൊക്കെ തങ്ങളുടെ സ്വത്വത്തെ തന്നെ ഭീഷണിപ്പെടുത്തുന്നവയായി അവർക്ക് തോന്നിയേക്കാം. അത് പൊതുജനാരോഗ്യ സംരക്ഷണാർത്ഥം സർക്കാരുകളും ബന്ധപ്പെട്ട അധികൃതരും ഏർപ്പെടുത്തുന്ന നിയമങ്ങൾ ലംഘിക്കാൻ അവരെ പ്രേരിപ്പിക്കുന്നതായി പുതിയ മനഃശാസ്ത്ര പഠനങ്ങൾ ചൂണ്ടിക്കാട്ടുന്നു.