കോവിഡ് 19 ബാധിച്ച ആൾ മരിച്ചു; ഡോക്ടര്‍മാരെ കയ്യേറ്റം ചെയ്ത ബന്ധുക്കൾക്കെതിരെ കേസ്

ഹൈദരാബാദ്: കോവിഡ് 19 ബാധിച്ച് ചികിത്സയിലിരുന്ന രോഗി മരിച്ചതോടെ ഡോക്ടർമാരെ കയ്യേറ്റം ചെയ്ത് ബന്ധുക്കൾ. തെലുങ്കാനയിലെ ഗാന്ധി മെഡിക്കൽ ആശുപത്രിയിലായിരുന്നു സംഭവം. തെലങ്കാന ജൂനിയർ ഡോക്ടര്‍മാരുടെ വാക്കുകൾ അനുസരിച്ച് കടുത്ത ശ്വാസതടസ്സത്തെ തുടർന്ന് ഇക്കഴിഞ്ഞ മാർച്ച് 27 നാണ് രോഗിയെ ആശുപത്രിയിൽ പ്രവേശിപ്പിച്ചത്. എന്നാൽ ബുധനാഴ്ചയോടെ മരിച്ചു. ഇയാൾ നിസാമുദ്ദീനില്‍ നടന്ന മതസമ്മേളനത്തിൽ പങ്കെടുത്തിരുന്നതായാണ് സൂചന.