ഇന്ത്യയുടെ കോവിഷീല്ഡ് വാക്സിന് ആവശ്യക്കാർ കൂടി; ആദ്യ കയറ്റുമതി ബ്രസീലിലേക്ക്
- Published by:user_49
Last Updated:
ലോകത്തിന്റെ വിവിധ ഭാഗങ്ങളില് നിന്ന് സിറത്തിന് ഇതിനകം ഓര്ഡറുകള് ലഭിച്ചിട്ടുണ്ട്.
പുനെ സിറം ഇന്സ്റ്റിറ്റ്യൂട്ട് ഓഫ് ഇന്ത്യയില് നിര്മിക്കുന്ന കോവിഷീല്ഡ് വാക്സിന് വിദേശ രാജ്യങ്ങളിലേക്ക് കയറ്റുമതി ചെയ്യാന് കേന്ദ്രം അനുവദം നല്കി. ഇന്ത്യയില് നിന്നും ആദ്യ കണ്സൈന്മെന്റുകള് വെള്ളിയാഴ്ച്ച ബ്രസീലിലേക്കും മൊറോക്കോയിലേക്കും അയക്കുമെന്നാണ് റിപ്പോര്ട്ട്. ദക്ഷിണാഫ്രിക്ക, സൗദി അറേബ്യ എന്നീ രാജ്യങ്ങളിലേക്കും വാക്സിന് കയറ്റുമതി ചെയ്യും.
പൂനെയിലെ സിറം ഇന്സ്റ്റിറ്റിയൂട്ട് ഓഫ് ഇന്ത്യയില് ഉത്പാദിപ്പിക്കുന്ന കൊവിഷീല്ഡ് വാക്സിനാണ് കയറ്റി അയക്കുന്നത്. യുഎസ്. കഴിഞ്ഞാല് കോവിഡ് 19 ബാധിച്ച് ലോകത്ത് ഏറ്റവും കൂടുതല് പേര് മരിച്ചത് ബ്രസീലിലാണ്. സിറം ഇന്സ്റ്റിറ്റ്യൂട്ടില് നിന്ന് രണ്ടു മില്യണ് ഡോസുകളാണ് ബ്രസീല് മുന്കൂര് ഓര്ഡര് ചെയ്തിരിക്കുന്നത്.
ലോകത്തിന്റെ വിവിധ ഭാഗങ്ങളില് നിന്ന് സിറത്തിന് ഇതിനകം ഓര്ഡറുകള് ലഭിച്ചിട്ടുണ്ട്. എന്നാൽ രാജ്യത്ത് വാക്സിന് വിതരണം ആരംഭിച്ചിട്ടു മതി കയറ്റിയയ്ക്കാന് എന്ന നിലാപാടാണ് കേന്ദ്രം സ്വീകരിച്ചത്. ജനുവരി 16നാണ് ഇന്ത്യയില് വാക്സിന് വിതരണം ആരംഭിച്ചത്.
advertisement
Also Read COVID 19 | സംസ്ഥാനത്ത് ഇന്ന് 6753 പേര്ക്ക് കോവിഡ്; ഒരാളിൽ ജനിതക വകഭേദം വന്ന വൈറസ് സ്ഥീരികരിച്ചു
രാജ്യത്ത് വാക്സിന് വിതരണം ആരംഭിച്ചതിനെ തുടര്ന്ന് ഈ ആഴ്ച ആദ്യം അയല് രാജ്യങ്ങളായ ഭൂട്ടാന്, മാലദ്വീപ്, ബംഗ്ലാദേശ്, നേപ്പാള്, മൗറീഷ്യസ്, സീഷെൽസ് എന്നീ രാജ്യങ്ങളിലേക്ക് ഇന്ത്യ സൗജന്യമായി വാക്സിന് കയറ്റുമതി ചെയ്തിരുന്നു.
യു.കെ.ആസ്ഥാനമായി പ്രവര്ത്തിക്കുന്ന ആസ്ട്രസെനക്കയും ഓക്സ്ഫഡ് സര്വകലാശാലയും ചേര്ന്ന് വികസിപ്പിച്ചെടുത്ത കോവിഷീല്ഡ് വാക്സിനാണ് ലോകത്തെ ഏറ്റവും വലിയ വാക്സിന് നിര്മാതാക്കളായ സിറം ഇന്സ്റ്റിറ്റ്യൂട്ട് ഓഫ് ഇന്ത്യയില് ഉല്പാദിപ്പിക്കുന്നത്.
Location :
First Published :
Jan 22, 2021 8:45 PM IST
മലയാളം വാർത്തകൾ/ വാർത്ത/Corona/
ഇന്ത്യയുടെ കോവിഷീല്ഡ് വാക്സിന് ആവശ്യക്കാർ കൂടി; ആദ്യ കയറ്റുമതി ബ്രസീലിലേക്ക്
