Covid 19 | ആശുപത്രി കിടക്കൾക്കായി കരിഞ്ചന്ത; രോഗികളെ പ്രവേശിപ്പിക്കാത്തവർക്കെതിരെ നടപടിയെന്ന് അരവിന്ദ് കെജ്രിവാൾ

ന്യൂഡല്‍ഹി: കൊവിഡ് ചികിത്സയുമായി ബന്ധപ്പെട്ട് ആശുപത്രികൾക്കെതിരെ ശക്തമായ മുന്നറിയിപ്പുമായി ഡൽഹി മുഖ്യമന്ത്രി അരവിന്ദ് കേജ്രിവാൾ. രോഗം സ്ഥിരീകരിച്ച ശേഷവും അവരെ പ്രവേശിപ്പിക്കാതെ മുഖംതിരിക്കുന്ന ആശുപത്രികൾക്കെതിരെയാണ് കേജ്‌രിവാള്‍ രംഗത്തെത്തിയത്. കോവിഡ് -19 രോഗികൾക്ക് തലസ്ഥാനത്ത് ആശുപത്രി കിടക്കകൾക്ക് കുറവുണ്ടാകില്ലെന്ന് അദ്ദേഹം വ്യക്തമാക്കി. ബന്ധുക്കളെ ആശുപത്രികളിൽ പരിശോധിക്കാനോ പ്രവേശിപ്പിക്കാനോ കഴിയുന്നില്ലെന്ന സോഷ്യൽ മീഡിയയിൽ പലരും വിമർശനങ്ങളും പരാതികളും ഉയർത്തിയതോടെയാണ് മുഖ്യമന്ത്രിയുടെ ഉറപ്പ്. തന്റെ സർക്കാർ ഇക്കാര്യം ശ്രദ്ധിച്ചിട്ടുണ്ടെന്നും ലഭ്യമായ കിടക്കകളെക്കുറിച്ച് വിവരം സൂക്ഷിക്കാൻ ഓരോ സ്വകാര്യ ആശുപത്രിയിലും ആരോഗ്യവിദഗ്ദ്ധരെ വിന്യസിക്കാൻ തീരുമാനിച്ചതായും കെജ്‌രിവാൾ പറഞ്ഞു.

'രാഷ്ട്രീയ പാര്‍ട്ടികളില്‍ നിന്നുള്ള പിന്തുണ ഉപയോഗിച്ച്‌ രോഗികള്‍ക്ക് പ്രവേശനം നിഷേധിക്കുന്ന അത്തരം ആശുപത്രികളെ വെറുതെവിടില്ല'-കേജിരിവാള്‍ പറഞ്ഞു. കോവിഡ് സംശയാസ്പദമായ കേസുകളൊന്നും ആശുപത്രിയിൽ നിന്ന് പിന്തിരിപ്പിക്കാതിരിക്കാൻ സർക്കാർ ഉത്തരവ് പുറപ്പെടുവിക്കുമെന്ന് കെജ്രിവാൾ പറഞ്ഞു. “സംശയിക്കപ്പെടുന്ന രോഗി ഒരു ആശുപത്രിയെ സമീപിക്കുകയാണെങ്കിൽ അത് പരിശോധിച്ച് രോഗനിർണയവുമായി മുന്നോട്ട് പോകണം,” വീഡിയോ കോൺഫറൻസിംഗിലൂടെ നടത്തിയ പത്രസമ്മേളനത്തിൽ അദ്ദേഹം പറഞ്ഞു.

"തെറ്റായ നടപടി സ്വീകരിക്കുന്ന ആശുപത്രികൾക്കെതിരെ ഞങ്ങൾ ശക്തമായ നടപടി കൈക്കൊള്ളും, അവർക്ക് രോഗികളെ നിരസിക്കാൻ കഴിയില്ല. അതിൽ ഏർപ്പെട്ടിരിക്കുന്ന മാഫിയകളെ തകർക്കാൻ കുറച്ച് സമയം ആവശ്യമാണ്. ലക്ഷണങ്ങളില്ലാത്ത ആയിരക്കണക്കിന് ആളുകൾ പരിശോധനയ്ക്കായി അണിനിരന്നാൽ ദേശീയ തലസ്ഥാനത്തെ ആരോഗ്യസംരക്ഷണ സംവിധാനം തകരുമെന്ന് മുഖ്യമന്ത്രി പറഞ്ഞു. ആളുകളെ ചികിത്സിക്കാനുള്ള ആരോഗ്യസംരക്ഷണ സംവിധാനത്തിന്റെ ശേഷി ഇല്ലാതാകുന്നത് ഒഴിവാക്കാൻ രോഗലക്ഷണങ്ങൾ കാണിക്കുന്നവർക്ക് മാത്രമേ പരിശോധന നടത്താവൂ എന്നും അദ്ദേഹം പറഞ്ഞു.

കോവിഡ് -19 കേസിൽ ഒരു സ്വകാര്യ ആശുപത്രി രണ്ട് ലക്ഷം രൂപ ഈടാക്കിയതായി തന്നോട് അടുത്തിടെ ഒരു വ്യക്തി അദ്ദേഹത്തെ സമീപിച്ചതായി കെജ്‌രിവാൾ പറഞ്ഞു. “ഞാൻ അത് വിശ്വസിച്ചില്ല. ഒരു ടിവി ന്യൂസ് ചാനൽ ഇക്കാര്യം എടുത്തുകാട്ടി. പകർച്ചവ്യാധിയ്‌ക്കെതിരെ പോരാടാൻ ഡൽഹിയെ പലരും സഹായിച്ചതിനാൽ എല്ലാ സ്വകാര്യ ആശുപത്രികളിലും ഇതുതന്നെയാണെന്ന് ഞാൻ പറയില്ല, പക്ഷേ കിടക്കകൾ കരിഞ്ചന്തയിൽ വിൽക്കുന്ന ചിലരുണ്ട്, ”അദ്ദേഹം പറഞ്ഞു. കോവിഡ് -19 ന് 20 ശതമാനം കിടക്കകൾ നീക്കിവയ്ക്കണമെന്ന് ഞങ്ങൾ എല്ലാ സ്വകാര്യ ആശുപത്രികളോടും പറഞ്ഞിട്ടുണ്ട്. ഡൽഹി സർക്കാരിന്‍റെ ആപ്പ് കാരണം 1,100 ൽ അധികം രോഗികളെ സ്വകാര്യ ആശുപത്രികളിൽ പ്രവേശിപ്പിച്ചു, ”കെജ്‌രിവാൾ കൂട്ടിച്ചേർത്തു.

TRENDING:Unlock 1.0| ശ​ബ​രി​മ​ല ന​ട ജൂ​ണ്‍ 14 ന് തുറക്കും; ​ഒരേസ​മ​യം 50 പേ​ര്‍​ക്ക് ദ​ര്‍​ശ​നം [NEWS]Dawood Ibrahim | കോവിഡ് ബാധിച്ച് അധോലോക നായകൻ ദാവൂദ് ഇബ്രാഹിം മരിച്ചതായി അഭ്യൂഹം [NEWS]ഇനി പഠിക്കാൻ നമിതക്ക് പുരപ്പുറത്തു കയറേണ്ട; വീട്ടിനുള്ളിൽ 4G സേവനമൊരുക്കി ജിയോ [NEWS]

വെള്ളിയാഴ്ച 1,330 പുതിയ കൊറോണ വൈറസ് കേസുകൾ ഡൽഹിയിൽ രേഖപ്പെടുത്തി. നഗരത്തിൽ കോവിഡ് -19 എണ്ണം 26,000 ത്തിന് മുകളിലാണ്. രോഗം മൂലമുള്ള മരണങ്ങളുടെ എണ്ണം 708 ആയി ഉയർന്നു.