യുഎസ് വൈസ് പ്രസിഡന്റിന്റെ മാധ്യമ വക്താവിന് കോവിഡ്; രോഗ ബാധിതരുടെ എണ്ണം 40 ലക്ഷം കടന്നു

ലോകത്ത് കോവിഡ് ബാധിതരുടെ എണ്ണം 40 ലക്ഷം കടന്നു. നിലവിൽ 40,12,837 പേർ കോവിഡ് ബാധിതരാണ്. 2,76,216 പേര്‍ക്ക് ജീവന്‍ നഷ്ടമായി. 13,85,135 പേര്‍ ഇതുവരെ രോഗമുക്തി നേടി.അമേരിക്കയില്‍ ആകെ മരണം 78,615 ആയി. ആകെ രോഗബാധിതര്‍ 13 ലക്ഷം പിന്നിട്ടു. നിലവിൽ 13,21,785 പേർ രോഗബാധിതരാണ്. ബ്രിട്ടനില്‍ 626 പേര്‍കൂടി മരിച്ചു. ആകെ മരണം 31,241. സ്പെയിനില്‍ 229 പേര്‍കൂടി മരിച്ചതോടെ ആകെ മരണം 26,299 ആയി. ഇറ്റലിയില്‍ 243 പേര്‍കൂടി മരിച്ചു. ആകെ മരണം 30,201 ആയി. ഫ്രാന്‍സില്‍ 243 പേര്‍കൂടി മരിച്ചു. ബ്രസീലില്‍ മരണം പതിനായിരം കടന്നു.

;