നൂറുവയസുള്ള വൃദ്ധക്കും രക്ഷയില്ല; ഇരയായത് ക്രൂരമായ ബലാത്സംഗത്തിന്

തിങ്കളാഴ്ച രാത്രിയാണ് സംഭവം. പ്രതിയായ അർഗ ബിശ്വാസ് (അഭിജിത്) എന്ന യുവാവിനെ വൃദ്ധയുടെ ബന്ധുക്കൾ തന്നെയാണ് പിടികൂടിയത്. സംഭവത്തിൽ ചൊവ്വാഴ്ച കേസ് രജിസ്റ്റർ ചെയ്തതായി ചക്ദാ പൊലീസ് സ്റ്റേഷൻ ഓഫീസർ അറിയിച്ചു.

ഗംഗാപ്രസാദ്പൂരിൽ നിന്നുള്ള യുവാവാണ് വൃദ്ധയെ ക്രൂരമായി മാനഭംഗപ്പെടുത്തിയത്. ഇയാളെ പൊലീസ് അറസ്റ്റ് ചെയ്ത് കോടതിയിൽ ഹാജരാക്കി. വൃദ്ധയെ മെഡിക്കൽ പരിശോധനകൾക്ക് ശേഷം ആശുപത്രിയിൽ നിന്ന് മാറ്റി.

പശ്ചിമബംഗാളിലെ ജൽപൈഗുരി ജില്ലയിൽ രണ്ട് ദിവസം മുൻപാണ് യുവതി 'നിർഭയ' മോഡൽ ക്രൂരതക്കിരയായത്. ബലാത്സംഗം ചെയ്ത് സ്വകാര്യഭാഗത്ത് ഇരുമ്പ് ദണ്ഡ് കയറ്റുകയായിരുന്നു. ഭൂമിതർക്കവുമായി ബന്ധപ്പെട്ട് യുവതിയെ ബന്ധുതന്നെ ഈ ക്രൂരകൃത്യം നടത്തിയത്.