സ്ത്രീയുടെ മൃതദേഹം കഷ്ണങ്ങളാക്കി പ്ലാസ്റ്റിക് ബാഗിൽ; 22 കാരിയായ മകൾ കസ്റ്റഡിയിൽ

മുംബൈയിൽ മധ്യവയസ്കയുടെ മൃതദേഹാവശിഷ്ടങ്ങൾ പ്ലാസ്റ്റിക് ബാഗിൽ ഉപേക്ഷിച്ച നിലയിൽ കണ്ടെത്തി. മുംബൈയിലെ ലാൽബാഗ് ഏരിയയിലുള്ള ഇബ്രാഹീം കസം ബിൽഡിങ്ങിൽ നിന്നാണ് പൊലീസ് മൃതദേഹാവശിഷ്ടങ്ങൾ കണ്ടെത്തിയത്.

Also Read- വ്യാപാരസ്ഥാപനത്തിൽ 17 ചാക്കുകളിലായി സൂക്ഷിച്ചിരുന്ന 150 കിലോ അടയ്ക്ക മോഷ്ടിച്ചു; മലപ്പുറത്ത് രണ്ടുപേർ അറസ്റ്റിൽ

50 നും 55 നും ഇടയിൽ പ്രായമുള്ള സ്ത്രീയുടേതാണ് മൃതദേഹം. ഇബ്രാഹിം കസം കെട്ടിടത്തിന്റെ ഒന്നാമത്തെ നിലയിൽ അലമാരയിൽ നിന്ന് ജീർണിച്ച നിലയിലാണ് ബാഗുകൾ പൊലീസ് കണ്ടെടുത്തത്. മൃതദേഹം പോസ്റ്റ്മോർട്ടത്തിനായി അയച്ചിരിക്കുകയാണ്.

Mumbai | The decomposed body of a 53-year-old woman was found in a plastic bag in Lalbhaug area. The 22-year-old daughter of the deceased woman was taken into custody by the police for questioning. Police took the body into custody and sent it for postmortem: DCP Pravin Mundhe pic.twitter.com/2AlVS225XV

— ANI (@ANI) March 15, 2023

ചൊവ്വാഴ്ച്ച വൈകിട്ടാണ് സംഭവത്തെ കുറിച്ച് പൊലീസിന് വിവരം ലഭിക്കുന്നത്. സംഭവത്തിൽ സ്ത്രീയുടെ 22 കാരിയായ മകളെ പൊലീസ് കസ്റ്റഡിയിൽ എടുത്തതായി എഎൻഐ റിപ്പോർട്ടിൽ പറയുന്നു.

സംഭവത്തിൽ കൂടുതൽ അന്വേഷണം നടത്തിവരികയാണെന്ന് പൊലീസ് അറിയിച്ചു.
‌