പ്രായമായപ്പോൾ അമ്മ ബാധ്യതയായി; 99 വയസ്സുള്ള വയോധികയെ വീട്ടിൽ നിന്ന് ഇറക്കിവിട്ട് മക്കൾ

ആറ് ആൺമക്കളാണ് സ്ത്രീക്കുണ്ടായിരുന്നത്. മൂത്തയാൾ നേരത്തേ മരിച്ചു. ഇളയ മകൻ ഭിന്നശേഷിക്കാരനാണ്. ഭർത്താവ് മരിച്ചതോടെ നാല് ആൺ മക്കൾക്കൊപ്പമായിരുന്നു സ്ത്രീ താമസിച്ചിരുന്നത്. രണ്ട് പേർ സർക്കാർ ജോലിക്കാരാണ്. രണ്ട് പേർ കർഷകരും.

2001 ലാണ് സ്ത്രീയുടെ ഭർത്താവ് മരിക്കുന്നത്. ഭർത്താവിന്റെ മരണശേഷം മക്കൾ തന്റെ സ്വത്തുക്കൾ തട്ടിയെടുത്തെന്നും വീട്ടിൽ പീഡനമായിരുന്നുവെന്നും കോടതിയിൽ നൽകിയ പരാതിയിൽ അമ്മ പറയുന്നു. 8 ഏക്കർ ഭൂമി മക്കൾ തട്ടിയെടുത്തു. മാനസികമായും ശാരീരികമായും മക്കൾ തന്നെ ഉപദ്രവിച്ചതായി സ്ത്രീ പറയുന്നു. ദിവസങ്ങളോളം പട്ടിണിക്കിട്ടു. ഒടുവിൽ വീട്ടിൽ നിന്നും പുറത്താക്കിയെന്നും ഹിന്ദുസ്ഥാൻ ടൈംസ് റിപ്പോർട്ട് ചെയ്യുന്നു.