കൊച്ചിയിൽ പോലീസുകാരന്റെ കാര്‍ ബൈക്ക് യാത്രികനെ ഇടിച്ച്‌ തെറിപ്പിച്ചു; അപകടം കണ്ടിട്ടും നിറുത്താതെ പോയി

ബൈക്കിലെത്തിയ രണ്ടുപേർ കാറിലുണ്ടായിരുന്നവരെ അപകടത്തെക്കുറിച്ച് അറിയിച്ചപ്പോൾ അവരോട് തട്ടിക്കയറുകയും ചെയ്തു. ചുള്ളിക്കല്‍ സ്വദേശി വിമലിനാണ് അപകടത്തിൽ പരിക്കേറ്റത്. ചോരയിൽ കുളിച്ച് റോഡിൽ കിട‌ന്ന ഇയാളെ നാട്ടുകാരാണ് ആശുപത്രിയിൽ എത്തിച്ചത്. കാറിലുണ്ടായിരുന്നവർ മദ്യപിച്ചിരുന്നോ എന്ന് നാട്ടുക്കാർ ആരോപിക്കുന്നു. വിമൽ തോപ്പുംപടി പൊലീസിൽ പരാതി നൽകിയെങ്കിലും നടപടി ഒന്നും എടുത്തിട്ടെല്ലെന്നാണ് അറിയുന്നത്. അപകടത്തിൽ കാറിന്റെ മുൻവശവും ബൈക്കും തകർന്നു.