യുവതിയടക്കമുള്ള കഞ്ചാവ് വില്പ്പന സംഘത്തെ നാട്ടുകാര് തടഞ്ഞുവെച്ച് പോലീസിന് കൈമാറി
- Published by:Arun krishna
- news18-malayalam
Last Updated:
സംഘം സഞ്ചരിച്ച കാറില് നിന്ന് ചെറു പൊതികളായി സൂക്ഷിച്ച 53 ഗ്രാം കഞ്ചാവ് അന്വേഷണ സംഘം കണ്ടെടുത്തു
വയനാട്ടില് യുവതി അടക്കമുള്ള ലഹരി വില്പ്പന സംഘത്തെ നാട്ടുകാര് തടഞ്ഞുവെച്ച് പോലീസിന് കൈമാറി. പനമരം ചങ്ങാടക്കടവിലാണ് സംഭവം. പ്രദേശത്ത് വില്പ്പന നടത്താന് ലക്ഷ്യമിട്ട് എത്തിയ സംഘത്തില് നിന്ന് ചെറുപൊതികളിലാക്കിയ നിലയില് കഞ്ചാവും പിടിച്ചെടുത്തിട്ടുണ്ട്. സംഭവത്തില് നിലമ്പൂര് വണ്ടൂര് ചന്തുള്ളി അല് അമീന് (30), പച്ചിലക്കാട് കായക്കല് ഷനുബ് (21), പച്ചിലക്കാട് കായക്കല് തസ്ലീന(35) എന്നിവരെയാണ് പനമരം പോലീസ് അറസ്റ്റ് ചെയ്തു.
സംഘം സഞ്ചരിച്ച കാറില് നിന്ന് ചെറു പൊതികളായി സൂക്ഷിച്ച 53 ഗ്രാം കഞ്ചാവാണ് അന്വേഷണ സംഘം കണ്ടെടുത്തത്. പനമരത്തും പരിസരപ്രദേശങ്ങളിലുമുള്ള വിദ്യാര്ത്ഥികളടക്കമുള്ളവര്ക്ക് കഞ്ചാവ് വില്ക്കുന്ന സംഘമാണിവരെന്ന് നാട്ടുകാര് ആരോപിക്കുന്നു. ഇക്കാര്യം പോലീസ് വിശദമായി അന്വേഷിച്ചു വരികയാണ്. അതേ സമയം വയനാട്ടില് പലയിടത്തും ലഹരി സംഘങ്ങള്ക്കെതിരെ രംഗത്തിറങ്ങാനാണ് നാട്ടുകാരുടെ തീരുമാനം.
Location :
First Published :
Sep 25, 2022 11:00 AM IST
മലയാളം വാർത്തകൾ/ വാർത്ത/Crime/
യുവതിയടക്കമുള്ള കഞ്ചാവ് വില്പ്പന സംഘത്തെ നാട്ടുകാര് തടഞ്ഞുവെച്ച് പോലീസിന് കൈമാറി
