മുംബൈയിൽ ബധിരയും മൂകയുമായ പെൺകുട്ടി ബലാത്സംഗത്തിനിരയായി: രണ്ട് പേർ അറസ്റ്റിൽ

ചോദ്യം ചെയ്യലിൽ യുവതിയെ പീഡനത്തിനിരയായതായി സന്ദീപ് സമ്മതിച്ചു. ഇയാളുടെ മൊഴിയുടെ അടിസ്ഥാനത്തിലാണ് കാലെയും പിടിയിലാകുന്നത്. ഒരു സുഹൃത്ത് വഴി പരിചയപ്പെട്ട പെൺകുട്ടിയെ നേരത്തെ അറിയാമായിരുന്നുവെന്നും വിവാഹം കഴിക്കാൻ ആഗ്രഹിച്ചിരുന്നുവെന്നുമാണ് സന്ദീപ് പൊലീസിനോട് പറഞ്ഞത്. മാതാപിതാക്കളെ പരിചയപ്പെടുത്തുന്നതിന് വേണ്ടിയായിരുന്നു ഞായറാഴ്ച യുവതിയെ കൂട്ടിക്കൊണ്ടുപോയത്. മാതാപിതാക്കൾ നിരസിച്ചതിനെ തുടര്‍ന്ന് യുവതിയെ തിരികെ ജോലിസ്ഥലത്തേക്കെത്തിക്കാൻ കാലെയോട് ആവശ്യപ്പെട്ടു. എന്നാൽ യുവതിയെ താനെയിലെ മുറിയിലെത്തിച്ച് കാലെ ബലാത്സംഗത്തിനിരയാക്കുകയായിരുന്നു. സംഭവം അറിഞ്ഞെത്തിയ ഖുറാഡെ യുവതിയെ ജോലി സ്ഥലത്തേക്കെത്തിക്കുവാൻ പോകുന്നതിനിടെ വഴിയിൽ വച്ച് പൊലീസ് പിടിയിലാവുകയായിരുന്നു.