ശമ്പളം ചോദിച്ചതിന്റെ പേരിൽ ഹോട്ടൽ തൊഴിലാളിയെ ഉടമ മർദ്ദിച്ചു കൊന്നു

കഴിഞ്ഞ വെള്ളിയാഴ്ച്ചയാണ് സംഭവം നടക്കുന്നത്. പുലർച്ചെ രണ്ട് മണിയോടെ ഹോഷിയാർ സിങ്ങിന്റെ സഹോദരൻ ഉമേഷ് കുമാറിന് ഒരു കോൾ വന്നു. പിന്റു എന്നയാൾ ആണ് വിളിച്ചത്. ഹോഷിയാറിനെ അടുത്തുള്ള സിവിൽ ആശുപത്രിയിലും പിന്നീട് ഡൽഹിയിലെ സഫ്ദർജങ് ആശുപത്രിയിലും പ്രവേശിപ്പിച്ചിരിക്കുകയാണ് എന്നാണ് അറിയിച്ചത്. ഗുരുതരമായി പരിക്കേറ്റ ഹോഷിയാറിനെ ഞായറാഴ്ച്ച ആശുപത്രിയിൽ പ്രവേശിപ്പിച്ചിരിക്കുകയാണെന്നായിരുന്നു അറിയിച്ചത്.

രണ്ട് മാസം മുമ്പാണ് ഹോഷിയാർ ഗുരുഗ്രാമിലെ ഹോട്ടലിൽ ജോലിക്ക് പ്രവേശിപ്പിച്ചത്. രണ്ട് മാസമായി ഇയാൾക്ക് ശമ്പളവും ലഭിച്ചിരുന്നില്ല. വേതനം ചോദിച്ചതോടെ ഹോട്ടൽ ഉടമയും സഹായികളും ചേർന്ന് ഹോഷിയാറിനെ ക്രൂരമായി മർദ്ദിക്കുകയായിരുന്നു. തലയ്ക്കും ശരീരത്തിന്റെ വിവിധ ഭാഗങ്ങളിലും ഗുരുതരമായി പരിക്കേറ്റാണ് ഹോഷിയാർ കൊല്ലപ്പെട്ടത്. മൃതദേഹം പോസ്റ്റുമോർട്ടത്തിന് ശേഷം ബന്ധുക്കൾക്ക് വിട്ടു നൽകി.