ചികിത്സയ്ക്ക് എത്തിയ പെൺകുട്ടിയ്ക്കു നേരെ ലൈംഗികാതിക്രമം; കോട്ടയം മുൻ ജില്ലാ മെഡിക്കൽ ഓഫീസര് അറസ്റ്റിൽ
- Published by:Sneha Reghu
- news18-malayalam
Last Updated:
24 കാരിയുടെ വസ്ത്രം അഴിച്ചു പരിശോധിക്കുകയും ശരീരഭാഗങ്ങളിൽ സ്പർശിക്കുകയും ചെയ്തെന്നാണ് പരാതി
കോട്ടയം: ലൈംഗികാതിക്രമ കേസിൽ കോട്ടയം മുൻ ജില്ലാ മെഡിക്കൽ ഓഫീസര് അറസ്റ്റിൽ. ചികിത്സയ്ക്ക് എത്തിയ പെൺകുട്ടിയോട് ലൈംഗികാതിക്രമം നടത്തിയതിനാണ് എഴുപതുകാരനായ ഡോക്ടർ പി എൻ രാഘവൻ അറസ്റ്റിലായത്. പാലാ മുരിക്കും പുഴയിൽ ഇയാൾ ക്ലിനിക്ക് നടത്തുന്നുണ്ട്. ഇവിടെയെത്തിയ പെൺകുട്ടിയ്ക്ക് നേരെ ലൈംഗികാതിക്രമം നടത്തിയെന്നാണ് കേസ്. തിങ്കളാഴ്ചയാണ് സംഭവം നടന്നത്.
ചികിത്സയ്ക്കായി ക്ലിനിക്കിൽ എത്തിയ 24 കാരിയോട് ഇയാൾ അപമര്യാദയായി പെരുമാറുകയായിരുന്നു എന്നാണ് പരാതി. 24 കാരിയുടെ വസ്ത്രം അഴിച്ചു പരിശോധിക്കുകയും ശരീരഭാഗങ്ങളിൽ സ്പർശിക്കുകയും ചെയ്തെന്ന് പരാതിയിൽ പറയുന്നു. തുടർന്ന് കുട്ടിയുടെ വീട്ടുകാർ പാലാ പോലീസിൽ പരാതി നൽകി.
കഴിഞ്ഞ ദിവസമാണ് യുവതി ചികിത്സയ്ക്കായി രാഘവന്റെ ക്ലിനിക്കിൽ എത്തിയത്. ചികിത്സക്ക് ഇടയിലാണ് ഇയാൾ ലൈംഗികമായി ഉപദ്രവിച്ചത്. തുടർന്നാണ് യുവതി പൊലീസിൽ പരാതി നൽകിയത്. സംഭവത്തിൽ പൊലീസ് വിശദമായ അന്വേഷണം നടത്തുകയാണ്. ഇന്ന് രാവിലെയാണ് രാഘവനെ അറസ്റ്റ് ചെയ്യുന്നത്.
Location :
Kottayam,Kerala
First Published :
Aug 12, 2025 6:15 PM IST
മലയാളം വാർത്തകൾ/ വാർത്ത/Crime/
ചികിത്സയ്ക്ക് എത്തിയ പെൺകുട്ടിയ്ക്കു നേരെ ലൈംഗികാതിക്രമം; കോട്ടയം മുൻ ജില്ലാ മെഡിക്കൽ ഓഫീസര് അറസ്റ്റിൽ
