Gold Smuggling | റമീസ് രാജ്യവിരുദ്ധ പ്രവർത്തനം നടത്തി; പ്രതികൾ ഗൂഡാലോചനയ്ക്ക് ഒത്തുകൂടിയതിന്റെ ദൃശ്യങ്ങൾ എൻഐഎയ്ക്ക്
Gold Smuggling | റമീസ് രാജ്യവിരുദ്ധ പ്രവർത്തനം നടത്തി; പ്രതികൾ ഗൂഡാലോചനയ്ക്ക് ഒത്തുകൂടിയതിന്റെ ദൃശ്യങ്ങൾ എൻഐഎയ്ക്ക്
സ്വപ്നയുടെയും സന്ദീപിൻ്റെയും മൊഴിയുടെ അടിസ്ഥാനത്തിൽ കൂടുതൽ പേർക്കെതിരെ അന്വേഷണം നടക്കുന്നുണ്ടെന്നും എൻ ഐ എ കോടതിയിൽ സർപ്പിച്ച കസ്റ്റഡി അപേക്ഷയിൽ വ്യക്തമാക്കുന്നു.
കൊച്ചി: വിമാനത്താവളം വഴിയുള്ള സ്വർണ്ണത്തിൻ്റെ ഗൂഡാലോചന നടത്തിയത് 11 ഇടങ്ങളിൽ വച്ചെന്ന് എൻഐഎ. പ്രതികൾ ഒത്തുകൂടിയതിൻ്റെ ദൃശ്യങ്ങൾ എൻഐഎയ്ക്ക് ലഭിച്ചു. സ്വർണ്ണക്കടത്തിൽ പങ്കാളിത്തമുള്ളവരുടെ കൂടുതൽ പേരുകൾ സ്വപ്നയും സന്ദീപും എൻഐഎയോട് വെളിപ്പെടുത്തി.
നയതന്ത്ര ചാനൽ വഴിയുള്ള സ്വർണ്ണക്കടത്തിന് പിന്നിൽ വലിയ ആസൂത്രണമുണ്ടെന്നാണ് എൻഐഎയുടെ കണ്ടെത്തൽ.
കെ ടി റമീസാണ് സ്വർണ്ണക്കടത്തിന് പിന്നിലെ സൂത്രധാരൻ. ഇയാൾ രാജ്യ വിരുദ്ധ പ്രവർത്തനങ്ങൾ നടത്തിയിട്ടുണ്ട്. ഈ വിവരങ്ങൾ സന്ദീപ് നായർ വെളിപ്പെടുന്നിയിട്ടുണ്ട്. ഇക്കാര്യത്തിൽ അന്വേഷണം നടത്തി വരികയാണ്. സ്വപ്നയുടെയും സന്ദീപിൻ്റെയും മൊഴിയുടെ അടിസ്ഥാനത്തിൽ കൂടുതൽ പേർക്കെതിരെ അന്വേഷണം നടക്കുന്നുണ്ടെന്നും എൻ ഐ എ കോടതിയിൽ സർപ്പിച്ച കസ്റ്റഡി അപേക്ഷയിൽ വ്യക്തമാക്കുന്നുണ്ട്.
അതേസമയം മുഖ്യമന്ത്രിയുടെ മുൻ സെക്രട്ടറി ശിവശങ്കറിനെതിരെ വിണ്ടും ചോദ്യം ചെയ്യാനുള്ള ശ്രമവും എൻ ഐ എ ഊർജിതപ്പെടുത്തി. ശിവശങ്കറിനോട് തിങ്കളാഴ്ച കൊച്ചിയിലെ ഓഫീസിൽ ഹാജരാകാനാണ് നിർദ്ദേശിച്ചിരിക്കുന്നത്. അതിനിടെ മുൻകൂർ ജാമ്യത്തിനുള്ള ശ്രമവും ശിവശങ്കർ ആരംഭിച്ചതായി വിവരമുണ്ട്.
Published by:Aneesh Anirudhan
First published:
ഏറ്റവും വിശ്വാസ്യതയുള്ള വാർത്തകള്, തത്സമയ വിവരങ്ങൾ, ലോകം, ദേശീയം, ബോളിവുഡ്, സ്പോർട്സ്, ബിസിനസ്, ആരോഗ്യം, ലൈഫ് സ്റ്റൈൽ വാർത്തകൾ ന്യൂസ് 18 മലയാളം വെബ്സൈറ്റിൽ വായിക്കൂ.