കോഴിക്കോട്ടെ കോഴിക്കടയിൽ എന്താണിത്ര തിരക്ക്? തിരഞ്ഞെത്തിയ പൊലീസ് ഒരാളെ പിടികൂടി

കോഴിക്കടയുടെ മറവിൽ നിരോധിത പുകയില ഉൽപ്പന്നങ്ങളാണ് വിൽക്കുന്നത്. സംഭവത്തിൽ ഒരാൾ പിടിയിൽ. മാക്കുനി സ്വദേശി കണ്ണനെയാണ് ഡിവൈഎഫ്ഐ പ്രവർത്തകർ പിടികൂടി പൊലീസിൽ ഏൽപ്പിച്ചത്. ഇയാളിൽ നിന്നും അഞ്ചു പാക്കറ്റ് ലഹരി വസ്തുക്കളാണ് കണ്ടെടുത്തത്. പരാതിയെ തുടർന്ന് പന്തക്കൽ പോലീസ് സ്ഥലത്തെത്തി പരിശോധന നടത്തുകയായിരുന്നു.

അതേസമയം വയനാട്ടില്‍ രണ്ട് ഇടങ്ങളിലായി മെത്തഫിറ്റമിനും എംഡിഎംഎയും പിടികൂടി. തൊണ്ടർനാട് നിന്ന് ഒരു ലക്ഷം രൂപയോളം വിലവരുന്ന എംഡിഎംഎ പൊലീസ് പിടിച്ചെടുത്തു. പൊൻകുഴിയില്‍ ബസ് യാത്രക്കാരനില്‍ നിന്ന് 15 ഗ്രാം മെത്തഫിറ്റമിൻ എക്സൈസും കണ്ടെടുത്തു.