ശ്രീനാരായണഗുരു പ്രതിഷ്ഠ നടത്തിയ വക്കം ആനന്ദവല്ലീശ്വരം സുബ്രഹ്മണ്യസ്വാമി ക്ഷേത്രം

ശ്രീനാരായണ ഗുരു പ്രതിഷ്ഠ നടത്തിയ വക്കത്തെ ഏറ്റവും പഴക്കം ചെന്ന ക്ഷേത്രമാണ് വക്കം പുതിയ കാവ് ആനന്ദവല്ലിശ്വരം സുബ്രഹ്മണ്യ ക്ഷേത്രം. പ്രാദേശിക ചരിത്രമനുസരിച്ച്, ആരെയാണ്‌ ആരാധിക്കാൻ ആഗ്രഹിക്കുന്നതെന്ന് ശ്രീനാരായണ ഗുരു ഈ പ്രദേശത്തെ ജനങ്ങളോട് ചോദിച്ചപ്പോൾ ഗുരുവിന് ഇഷ്ടപ്പെട്ട മൂർത്തി തന്നെയാവട്ടെ എന്ന് ജനങ്ങൾ പറഞ്ഞു. എങ്കിൽ അത് ആനന്ദവല്ലി തന്നെയാകട്ടെ എന്ന് ശ്രീനാരായണ ഗുരു പറഞ്ഞു.

എന്നാൽ പ്രതിഷ്ഠ നടത്തിയപ്പോൾ അത് സുബ്രഹ്മണ്യൻ്റേതായി മാറിയത്രേ. കൊല്ലവർഷം 1063–64 കാലഘട്ടത്തിലാണ് ഈ ക്ഷേത്ര പ്രതിഷ്ഠ നടത്തിയത്. ശ്രീനാരായണ ഗുരു അന്ന് ആ സമ്മേളനത്തിൽ പറഞ്ഞത് ഈ ക്ഷേത്രം ഒരു വലിയ അറിവിൻ്റെ കേന്ദ്രമാകുമെന്നാണ്. തൈപ്പൂയത്തിന് ഇവിടെ വലിയ പ്രാധാന്യമുണ്ട്. പ്രതിമാസ ഷഷ്ഠി വ്രതം ഒരു പ്രധാന ദിവസമാണ്.