മുക്കുപണ്ടം മോഷ്ടിച്ച് ട്രെയിനിൽ നിന്ന് ചാടി; തെങ്ങിൽനിന്ന് വീണെന്ന് പറഞ്ഞ് ആശുപത്രിയിലെത്തിയപ്പോൾ അറസ്റ്റ്

സ്വർണ്ണമാലയാണെന്ന് കരുതി യാത്രക്കാരിയുടെ മാല പൊട്ടിച്ച് ട്രെയിനിൽ നിന്ന് ചാടി പരിക്കേറ്റ ഉത്തർപ്രദേശ് സ്വദേശിയെ റെയിൽവേ പോലീസ് പിടികൂടി. ഷഹരൻപുർ സ്വദേശിയായ ഷഹജാദ് മുഹമ്മദ് (28) ആണ് അറസ്റ്റിലായത്. ചാട്ടത്തിനിടയിൽ ഗുരുതരമായി പരിക്കേറ്റ പ്രതി, താൻ തെങ്ങിൽ നിന്ന് വീണതാണെന്ന് കള്ളം പറഞ്ഞ് സമീപത്തെ ആശുപത്രിയിൽ ചികിത്സ തേടുകയായിരുന്നു. കോയമ്പത്തൂർ ഇന്റർസിറ്റി എക്സ്പ്രസ് പരപ്പനങ്ങാടി സ്റ്റേഷനിൽ നിന്ന് നീങ്ങിത്തുടങ്ങിയ സമയത്താണ് ഇയാൾ യാത്രക്കാരിയുടെ മാല കവർന്ന് പുറത്തേക്ക് ചാടിയത്. .