ഭാര്യയുമായി അവിഹിത ബന്ധം പുലര്‍ത്തിയ ബന്ധുവിനെ കൊലപ്പെടുത്തി മൃതദേഹം ജെസിബി ഉപയോഗിച്ച് കുഴിച്ചുമൂടി

രാജസ്ഥാനില്‍ ഭാര്യയുമായി വിവാഹേതരബന്ധമുണ്ടെന്ന് സംശയിച്ച് അടുത്ത ബന്ധുവിനെ യുവാവ് ഇരുമ്പുദണ്ഡുപയോഗിച്ച് അടിച്ച് കൊലപ്പെടുത്തി. തുടര്‍ന്ന് മൃതദേഹം സ്വന്തം ഖനിയില്‍ ജെസിബി ഉപയോഗിച്ച് കുഴിയെടുത്ത് മറവ് ചെയ്തു. നാഗൗര്‍ ജില്ലയിലെ ഭവണ്ടയില്‍ സോഹന്റാം (29) എന്നയാളാണ് തന്റെ കസിനായ മുകേഷ് ഗാല്‍വയെ കൊലപ്പെടുത്തിയത്. ഓഗസ്റ്റ് 27നാണ് സംഭവം. പ്രതി കുറ്റംസമ്മതിച്ചതായി പോലീസ് അറിയിച്ചു. തൊട്ടടുത്തുള്ള ഭട്‌നോഖ ഗ്രാമത്തില്‍ നടന്ന ഗണേശോത്സവ പരിപാടിയിലേക്ക് മുകേഷിനെ ക്ഷണിച്ചുവരുത്തിയശേഷം ഇയാള്‍ കബളിപ്പിച്ച് കൊലപ്പെടുത്തുകയായിരുന്നുവെന്ന് ഇന്ത്യ ടുഡെ റിപ്പോര്‍ട്ട് ചെയ്തു.