Kerala Weather Update|എന്തൊരു ചൂട്! അൾട്രാവയലറ്റ് സൂചിക ഉയരുന്നു; മൂന്ന് ജില്ലകളിലെ മൂന്നിടങ്ങളിൽ ഓറഞ്ച് അലർട്ട്

തിരുവനന്തപുരം: സംസ്ഥാനത്ത് ചൂട് വർധിക്കുന്നതിനൊപ്പം അൾട്രാവയലറ്റ് (UV) രശ്മികളുടെ തോത് ഉയരുന്നതായി കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. കഴിഞ്ഞ 24 മണിക്കൂറിനുള്ളിൽ പത്തനംതിട്ട, ആലപ്പുഴ, ഇടുക്കി ജില്ലകളിൽ ഏറ്റവും ഉയർന്ന യുവി ഇൻഡക്സ് രേഖപ്പെടുത്തിയതിനെത്തുടർന്ന് ദുരന്തനിവാരണ അതോറിറ്റി ഈ ജില്ലകളിൽ ഓറഞ്ച് അലർട്ട് പ്രഖ്യാപിച്ചു. സംസ്ഥാനത്ത് ഏറ്റവും ഉയർന്ന യുവി ഇൻഡക്സ് ആയ സൂചിക 8 രേഖപ്പെടുത്തിയതു ചെങ്ങന്നൂരിലും മൂന്നാറിലും കോന്നിയിലുമാണ്.