ട്യൂഷൻ കഴിഞ്ഞ് മടങ്ങിയ 7 വയസുകാരിയെ ലൈംഗികമായി ഉപദ്രവിച്ച വയോധികൻ പിടിയിൽ

കഴിഞ്ഞ ഞായറാഴ്ചയാണ് കേസിനാസ്പദമായ സംഭവം നടന്നത്. ട്യൂഷൻ കഴിഞ്ഞ് റോഡിലൂടെ ഒറ്റയ്ക്ക് നടന്നുപോവുകയായിരുന്ന കുട്ടിയെ പ്രതി ബലപ്രയോഗത്തിലൂടെ തടഞ്ഞുനിർത്തുകയും ലൈംഗികമായി ഉപദ്രവിക്കുകയുമായിരുന്നു. ഭയന്നുപോയ കുട്ടി വീട്ടിലെത്തിയ ഉടൻ മാതാവിനോട് വിവരം പറയുകയായിരുന്നു.

കുട്ടിയുടെ മാതാവ് നൽകിയ പരാതിയുടെ അടിസ്ഥാനത്തിൽ പോലീസ് ഉടൻ കേസെടുത്ത് കുട്ടിയുടെ മൊഴി രേഖപ്പെടുത്തി. തുടർന്ന് നടത്തിയ അന്വേഷണത്തിലാണ് പ്രതിയെ പിടികൂടിയത്. പോക്സോ (POCSO) നിയമത്തിലെ വിവിധ വകുപ്പുകൾ ചുമത്തിയാണ് പ്രതിയുടെ അറസ്റ്റ് രേഖപ്പെടുത്തിയത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.