വെയിറ്റിംഗ് റൂമിലെ ഹോംനേഴ്‌സിന്റെ ഫോൺ അടിച്ചുമാറ്റി; കോട്ടയത്തെ മൊബൈൽ ഫോൺ മോഷ്‌ടാവ്‌ അറസ്റ്റിൽ

കോട്ടയം റെയിൽവേ സ്റ്റേഷനിൽ നിന്ന് മൊബൈൽ ഫോണുകൾ മോഷ്ടിച്ച് കടന്നുകളഞ്ഞ ബംഗാൾ സ്വദേശി നജുരുൾ ഹക്കിനെ RPF സംഘം അറസ്റ്റ് ചെയ്തു. ഈ മാസം 23ന് കോട്ടയം റെയിൽവേ സ്റ്റേഷനിലെ ജനറൽ വെയിറ്റിംഗ് റൂമിൽ വിശ്രമിക്കുകയായിരുന്ന ഹോംനേഴ്സ് ആയ കൊല്ലം സ്വദേശിയുടെ മൊബൈൽ ഫോൺ മോഷ്ടിച്ചെടുത്ത പ്രതി സംഭവസ്ഥലത്തു നിന്ന് രാത്രിയിൽ തന്നെ രക്ഷപെടുകയായിരുന്നു. പരാതി ലഭിച്ചപ്പോൾ മുതൽ RPF ക്രൈം ഇൻറലിജൻസ് ബ്രാഞ്ചും, കോട്ടയം ആർ.പി.എഫ്. ഉദ്യോഗസ്ഥരും പ്രതിയുടെ CCTV ദൃശ്യങ്ങൾ പരിശോധിച്ച് പ്രതിയെ തിരിച്ചറിയുകയും ഊർജ്ജിതമായ അന്വേഷണം ആരംഭിക്കുകയും ചെയ്തിരുന്നു.