ഓൺലൈൻ തട്ടിപ്പ്; പ്രമുഖ ആർക്കിടെക്റ്റ് ശ്രീനിവാസന്റെ അക്കൗണ്ടിൽ നിന്നും നഷ്ടമായത് ഇരുപത് ലക്ഷത്തിലധികം രൂപ

ജഹാംഗീർ ഹൊസൈൻ സർക്കാർ, മനോവാര എന്നീ പേരുകളിലുള്ള പശ്ചിമ ബംഗാളിലെ ഐസിഐസി അക്കൗണ്ടിലേക്കാണ് പണം പോയിട്ടുള്ളത്. 12 ലക്ഷം രൂപ ജഹാംഗീർ ഹൊസൈൻ സർക്കാരിന്റെ അക്കൗണ്ടിലേക്കും എട്ടേകാൽ ലക്ഷം രൂപ മനോവാര എന്നയാളുടെ അക്കൗണ്ടിലേക്കുമാണ് പോയിട്ടുള്ളത്.

ആദ്യത്തെ മൂന്ന് കൈമാറ്റങ്ങൾ ജഹാംഗീറിന്റെ അക്കൗണ്ടിലേക്കും പിന്നീടുള്ള രണ്ടു കൈമാറ്റങ്ങൾ മനോവാരയുടെ അക്കൗണ്ടിലേക്കുമാണ് നടന്നിട്ടുള്ളത്. എന്നാൽ ഉടൻ തന്നെ ഇവർ ഈ അക്കൗണ്ടുകളിൽ നിന്ന്  പണം മാറ്റിയതായും കണ്ടെത്തിയിട്ടുണ്ട്. ബിഎസ്എഎൻഎല്ലിന്റെ അനാസ്ഥ മൂലമാണ് വ്യാജ സിം ഉണ്ടാക്കാനായതെന്ന് സാറാ ജോസഫ് ആരോപിച്ചു. ബാങ്കിന്റെ ഭാഗത്തും ഗുരുതര വീഴ്ചയുണ്ടെന്നും യൂസർ നെയിം, പാസ് വേഡ് എങ്ങനെയാണ് ചോർന്നതെന്നും സാറാ ജോസഫ് ചോദിക്കുന്നു.