ഭാര്യയുമായുള്ള ശാരീരിക ബന്ധത്തിന് കുഞ്ഞ് തടസം; നെയ്യാറ്റിൻകരയിൽ ഒരു വയസുകാരന്റെ മരണത്തിൽ പിതാവിന്റെ ക്രൂരത

നെയ്യാറ്റിൻകരയിൽ ഒരു വയസുകാരനായ ഇഹാനെ പിതാവ് കൊലപ്പെടുത്തിയ സംഭവത്തിൽ കൂടുതൽ വിവരങ്ങൾ പുറത്ത്. ഭാര്യ കൃഷ്ണപ്രിയയുമായുള്ള ശാരീരിക ബന്ധത്തിനിടെ കുഞ്ഞ് കരഞ്ഞതാണ് ഷിജിലിനെ പ്രകോപിതനാക്കിയതെന്ന് യുവതിയുടെ രഹസ്യമൊഴി. കരഞ്ഞ കുഞ്ഞിനെ എടുത്തു മടിയിലിരുത്തു കൈമുട്ടുകൊണ്ട് അടിവയറ്റിൽ ആഞ്ഞടിക്കുകയായിരുന്നു എന്ന് പോലീസ് ഭാഷ്യം. കുട്ടി വേദനകൊണ്ട് പുളഞ്ഞിട്ടു പോലും ആശുപത്രിയിൽ എത്തിക്കാൻ ഷിജിൽ തയാറായില്ല. കൃഷ്ണപ്രിയ കേണപേക്ഷിച്ച ശേഷം മാത്രമാണ് ആശുപത്രിയിൽ കൊണ്ടുപോയത്. പക്ഷേ അതിനു മുൻപേ കുഞ്ഞ് മരിച്ചിരുന്നു എന്ന് പോലീസ്. ലൈംഗിക വൈകൃതമുള്ള ഇയാൾ, നിരവധി സ്ത്രീകളുമായി സെക്സ് ചാറ്റ് ചെയ്യാറുണ്ടെന്നും, അതിനായി ഒരു ഗ്രൂപ്പ് ആരംഭിച്ചിരുന്നുവെന്നും പോലീസ് പറഞ്ഞു.