ഒന്നാം ക്ലാസിൽ പഠിക്കുന്ന മകനെ വഴക്കുപറഞ്ഞ അധ്യാപകനെ മുൻ ശിഷ്യൻ കൂടിയായ പിതാവ് ക്രൂരമായി മർദിച്ചു

മദ്യലഹരിയിൽ സുഹൃത്തിനൊപ്പം ബൈക്കിലെത്തിയ പിതാവ്, ലിൻസിനെ വീടിനുള്ളിൽ നിന്ന് വിളിച്ചിറക്കി ക്രൂരമായി മർദിക്കുകയായിരുന്നു. ലിൻസിന്റെ ഭാര്യയുടെയും മക്കളുടെയും മുന്നിൽവെച്ചായിരുന്നു ആക്രമണം. കുട്ടിയെ വഴക്കുപറഞ്ഞു എന്നാരോപിച്ചായിരുന്നു മർദനം. പണ്ട് വിദ്യാർത്ഥിയുടെ പിതാവിനെ ട്യൂഷൻ എടുത്തു പഠിപ്പിച്ചിരുന്ന അധ്യാപകൻ കൂടിയാണ് ലിൻസ്.

ആക്രമണത്തിൽ സാരമായി പരിക്കേറ്റ ലിൻസിനെ ആദ്യം തങ്കമണി സഹകരണ ആശുപത്രിയിലും പിന്നീട് വിദഗ്ധ ചികിത്സയ്ക്കായി ഇടുക്കി മെഡിക്കൽ കോളേജിലും പ്രവേശിപ്പിച്ചു. സംഭവത്തിൽ പിതാവിനെതിരെ തങ്കമണി പോലീസ് കേസെടുത്തു. ഇയാൾക്കൊപ്പമുണ്ടായിരുന്ന സുഹൃത്തിനെതിരെ നിലവിൽ കേസെടുത്തിട്ടില്ലെന്നും, കൂടുതൽ അന്വേഷണത്തിന് ശേഷം നടപടിയുണ്ടാകുമെന്നും പോലീസ് അറിയിച്ചു.