അഭിഭാഷകൻ പ്രതിയായ പോക്സോ കേസിൽ വൻ അട്ടിമറി; പത്തനംതിട്ടയിൽ എസ്പിയടക്കം പൊലീസ് ഉദ്യോഗസ്ഥരെ സ്ഥലംമാറ്റും

പത്തനംതിട്ടയിൽ ഹൈക്കോടതി അഭിഭാഷകൻ പ്രതിയായ പോക്സോ കേസിൽ നടന്നത് വൻ അട്ടിമറിയെന്ന് ഡിഐജി റിപ്പോർട്ട്. പത്തനംതിട്ട എസ്പി വിനോദിന് സംഭവിച്ചത് ഗുരുതര വീഴ്ചയെന്നും റിപ്പോർട്ടിൽ ചൂണ്ടിക്കാട്ടുന്നു. പത്തനംതിട്ട, ആറന്മുള എസ് എച്ച് ഒ മാർക്കും പത്തനംതിട്ട ഡിവൈഎസ്പിക്കും വീഴ്ച സംഭവിച്ചെന്നാണ് കണ്ടെത്തൽ. രണ്ടു ദിവസങ്ങൾക്ക് മുൻപ്, കേസ് അട്ടിമറിക്കാൻ ശ്രമിച്ചുവെന്നാരോപിച്ച് ജില്ലാ ശിശുക്ഷേമ സമിതി ചെയർമാനെ വനിതാ-ശിശു വികസന ഡയറക്ടറേറ്റ് സസ്‌പെൻഡ് ചെയ്തിരുന്നു.