കൊല്ലത്തെ വാടകവീട്ടിലേക്ക് ഓട്ടോ വിളിച്ച് യാത്രപോയ യുവതി കടത്താൻ ശ്രമിച്ച വസ്തുവുമായി പോലീസ് പിടിയിൽ

വ്യാഴാഴ്ച്ച വൈകിട്ട് 6 മണിയോടു കൂടിയാണ് ഡാൻസാഫ് ടീമും അഞ്ചൽ പോലീസും ചേർന്ന് ഓട്ടോയിൽ കടത്താൻ ശ്രമിച്ച കഞ്ചാവുമായി ജമീലയെ പിടികൂടിയത്. അഞ്ചലിൽ നിന്നും ഓട്ടോറിക്ഷ ഓട്ടം വിളിച്ച് ജമീല വാടകയ്ക്ക് താമസിച്ച് വരുന്ന കൈതാടിയിലെ വീട്ടിൽ നിന്നും കഞ്ചാവുമായി പൊകാവേയാണ് വീടിന് സമീപത്തു വെച്ച് പോലീസ് പിടികൂടിയത്.

കഞ്ചാവിൻ്റെ തൂക്കം പരിശോധിച്ച് ഉറപ്പ് വരുത്തിയ ശേഷം ജമീലയെ കസ്റ്റഡിയിൽ എടുക്കുകയായിരുന്നു. ഇവരുടെ ബന്ധുവായ കരുകോൺ സ്വദേശിനി ഷാഹിദ് നിരവധി കഞ്ചാവ് കേസിലെ പ്രതിയാണ്. ഇവർ മുൻപും ഇത്തരം സംഭവങ്ങളിൽ ഉൾപ്പെട്ടിരുന്നോ എന്ന് പരിശോധിക്കുകയാണ്. എന്തായാലും ഇവരെപ്പറ്റിയും ഇവരുടെ ബന്ധുവിനെപ്പറ്റിയും സമഗ്രമായ അന്വേഷണം നടത്തുവാനാണ് പോലീസിന്റെ തീരുമാനം.