കർണാടക മന്ത്രിയെ കുടുക്കിയ ലൈംഗിക വിവാദം: പിന്നിൽ കോൺഗ്രസ് നേതാവെന്ന് യുവതിയുടെ കുടുംബം

ബെംഗളൂരു: മുൻ മന്ത്രി രമേശ് ജാർക്കിഹോളി ഉൾപ്പെട്ട ലൈംഗിക ആരോപണ വിവാദത്തിൽ കോൺഗ്രസ് നേതാവ് ഡി.കെ ശിവകുമാറിനെതിരെ ആരോപണവുമായി യുവതിയുടെ മാതാപിതാക്കൾ. മകളെ ഉപയോഗിച്ചുകൊണ്ട് വൃത്തികെട്ട രാഷ്ട്രീയം കളിച്ചുവെന്നാണ് ഡി.കെ ശിവകുമാറിനെതിരെ മാതാപിതാക്കൾ ആരോപിക്കുന്നത്. വീഡിയോ ക്ലിപ്പിനും അത് ചോർന്നതിനും പിന്നിൽ ഒരു മഹാനായ നേതാവ് ഉൾപ്പെട്ടതിനെക്കുറിച്ച് രമേശ് ജാർക്കിഹോളിയും കഴിഞ്ഞ ദിവസം സൂചന നൽകിയിരുന്നു. "വൃത്തികെട്ട ഗൂഢാലോചന" തനിക്കെതിരെ നടന്നതായും ജാർക്കിഹോളി ആരോപിക്കുന്നു. ഈ സംഭവത്തിൽ രാഷ്ട്രീയവും നിയമപരവുമായ പോരാട്ടം നടത്തുമെന്ന് രമേശ് ജാർക്കിഹോളി പറഞ്ഞു. അതേസമയം, താൻ ഒരിക്കലും സ്ത്രീയെ കണ്ടിട്ടില്ലാത്തതിനാൽ തനിക്ക് കേസുമായി യാതൊരു ബന്ധവുമില്ലെന്നും അന്വേഷണം നടക്കട്ടെ എന്നും ശിവകുമാർ പറഞ്ഞു.

സംഭവവികാസങ്ങളെത്തുടർന്ന്, യുവതി തന്റെ അഞ്ചാമത്തെ വീഡിയോ പ്രസ്താവന കഴിഞ്ഞ ദിവസം പുറത്തിറക്കി, മാതാപിതാക്കൾ ഒരാളുടെ സ്വാധീനത്തിൽ സംസാരിക്കുന്നുവെന്നും ഇതെല്ലാം കണ്ട ശേഷം, തന്റെ പ്രസ്താവന നൽകാൻ എസ്‌ഐ‌ടിക്ക് മുന്നിൽ ഹാജരാകാൻ ഭയമാണെന്നും യുവതി പറഞ്ഞു. ഒരു ജഡ്ജിയുടെ മുമ്പാകെ തനിക്കുണ്ടായ അനീതിയെക്കുറിച്ച് പ്രസ്താവന നടത്താൻ മുഖ്യമന്ത്രി യെദ്യൂരപ്പ, ആഭ്യന്തരമന്ത്രി ബസവരാജ് ബോമ്മൈ, പ്രതിപക്ഷ നേതാവ് സിദ്ധരാമയ്യ, ശിവകുമാർ എന്നിവരിൽ നിന്നും സഹായം വേണമെന്നും യുവതി അഭ്യർഥിച്ചു.

യുവതിയുടെ മാതാപിതാക്കളും സഹോദരന്മാരും അഴിമതി അന്വേഷിക്കുന്ന പ്രത്യേക അന്വേഷണ സംഘത്തിന് മുന്നിൽ ഹാജരായി. തട്ടിക്കൊണ്ടുപോകൽ പരാതിയിലും സ്ത്രീയുടെ വീഡിയോ ക്ലിപ്പിലും ആറ് മണിക്കൂറോളം ഇവർ ചോദ്യം ചെയ്യലിന് വിധേയരായി. "ഞങ്ങൾക്ക് തെളിവുകളുണ്ട്, ഞങ്ങൾ ഉദ്യോഗസ്ഥരുമായി (എസ്‌ഐടി) സംസാരിക്കുകയും അത് അവർക്ക് നൽകുകയും ചെയ്തു, അത് നിങ്ങൾക്ക് (മാധ്യമങ്ങൾക്കും) നൽകും. ഒരു ഷെഡ്യൂൾ ട്രൈബ് (എസ്ടി) നിയമം ഉപയോഗിച്ച് രാഷ്ട്രീയം കളിക്കുന്നതിന്റെ ഉദാഹരണമാണ് എന്റെ മകൾ”എസ്‌ഐ‌ടിക്ക് മുന്നിൽ ഹാജരായ ശേഷം യുവതിയുടെ പിതാവ് മാധ്യമപ്രവർത്തകരോട് പറഞ്ഞു. “ഞങ്ങളുടെ കുടുംബത്തിന് എന്തെങ്കിലും സംഭവിച്ചാൽ, അതിന്റെ ഉത്തരവാദിത്തം ഡി കെ ശിവകുമാറിനാണ്,” അദ്ദേഹം പറഞ്ഞു.

Also Read- കടയിൽ സാധനം വാങ്ങാനെത്തിയ പെൺകുട്ടിയെ പീഡിപ്പിച്ച 51കാരൻ അറസ്റ്റിൽ

"ഞാൻ ഒരു മുൻ സൈനികനാണ്, ഞാൻ രാജ്യത്തിന് കാവൽ നിന്നയാളാണ്, എനിക്ക് എന്റെ മകളെ സംരക്ഷിക്കാൻ കഴിയില്ല. നിങ്ങളുടെ വൃത്തികെട്ട രാഷ്ട്രീയത്തിന് നിങ്ങൾ എന്തിനാണ് ഒരു സ്ത്രീയെ ഈ കാര്യങ്ങൾക്കായി ഉപയോഗിക്കുന്നത്. അവളെ ഞങ്ങൾക്ക് തിരികെ നൽകുക," അദ്ദേഹം പറഞ്ഞു.

കുടുംബത്തിന് യാതൊരു സമ്മർദ്ദവുമില്ലെന്നും നിലവിലെ മാനസിക പിരിമുറുക്കം കാരണം തങ്ങൾ ഒരു ബന്ധുവിന്റെ വീട്ടിലാണെന്ന് യുവതിയുടെ പിതാവ് പറയുന്നു മകൾ എത്രയും വേഗം തങ്ങളുടെ അടുത്തേക്ക് മടങ്ങി വരണമെന്നും അവർ ആവശ്യപ്പെട്ടു. "എന്നിൽ നിന്ന് നിങ്ങൾക്ക് നേടാൻ കഴിയാത്ത അവരിൽ നിന്ന് നിങ്ങൾക്ക് എന്ത് സംരക്ഷണം ലഭിക്കും, ഞാൻ രാജ്യത്തിന് കാവൽ നിന്നിട്ടുണ്ട്, ഞാൻ ഒരു പിതാവാണ്, മകളെ സംരക്ഷിക്കാൻ ഞാൻ ഇവിടെയുണ്ട്. എത്രയും വേഗം ഞങ്ങളുടെ അടുത്തേക്ക് തിരിച്ചുവരൂ', മാധ്യമങ്ങളിലൂടെ അദ്ദേഹം മകളോട് പറഞ്ഞു.

ഇതിന്റെയെല്ലാം പിന്നിൽ ശിവകുമാറാണെന്നും യുവതിക്ക് തെളിവുണ്ടെന്നും യുവതിയുടെ സഹോദരനും ആരോപിച്ചു. "എന്റെ സഹോദരി അത്തരം വീഡിയോകൾ നിർമ്മിക്കുന്നത് പതിവാണ്. ഡി കെ ശിവകുമാർ ഇടപെട്ട് അത് ദുരുപയോഗം ചെയ്തു, എനിക്ക് തെളിവുണ്ട്, അത് ഞാൻ പുറത്തുവിടും .." അദ്ദേഹം പറഞ്ഞു. വീഡിയോയിൽ അത് താനല്ലെന്നും ആരോ ക്ലിപ്പ് മോർഫ് ചെയ്ത് എഡിറ്റ് ചെയ്തിട്ടുണ്ടെന്നും തന്റെ സഹോദരി പറയാറുണ്ടെന്ന് പറഞ്ഞ അദ്ദേഹം (മാർച്ച് 2 ന്) മടങ്ങാൻ ആവശ്യപ്പെട്ടപ്പോൾ താൻ ഡി കെ ശിവകുമാറിന്റെ വീട്ടിലേക്ക് പോവുകയാണെന്നാണ് സഹോദരി പറഞ്ഞതെന്നും വ്യക്തമാക്കി. ഡി കെ ശിവകുമാർ പണം നൽകി ഗോവയിലേക്ക് അയക്കുകയാണെന്നും അവർ പറഞ്ഞു. അദ്ദേഹം പറയുന്നത് പിന്തുടരാൻ ആവശ്യപ്പെട്ടതായും അവർ പറഞ്ഞു. സഹോദരിയെ ഉദ്ധരിച്ച് അദ്ദേഹം പറഞ്ഞു. കഴിഞ്ഞ 20 ദിവസമായി സഹോദരിയുമായി തങ്ങൾക്കു യാതൊരു ബന്ധവുമില്ലെന്നും അദ്ദേഹം പറഞ്ഞു.