മാധ്യമപ്രവർത്തകയോട് അപമര്യാദയായി പെരുമാറി; അലൻസിയറിനെതിരെ പരാതി

അപ്പന്‍ എന്ന സിനിമയിലെ പ്രകടനത്തിന് പ്രത്യേക ജൂറി പുരസ്കാരം ഏറ്റുവാങ്ങിയ ശേഷമായിരുന്നു അലന്‍സിയറിന്‍റെ വിവാദ പരാമര്‍ശം. പെൺ പ്രതിമ നൽകി അപമാനിക്കരുത്. ആൺകരുത്തുള്ള മുഖ്യമന്ത്രി ഇരിക്കുന്നയിടത്ത് പെൺ രൂപത്തിലുള്ള പ്രതിമ നൽകി അപമാനിക്കരുതെന്ന് അലന്‍സിയര്‍ പറഞ്ഞു.

അലന്‍സിയറിനെതിരെ രൂക്ഷ വിമർശനമാണ് സമൂഹ മാധ്യമങ്ങളിൽ. എന്നാൽ താൻ പറഞ്ഞതിൽ യാതൊരു സ്ത്രീവിരുദ്ധതയും കാണുന്നില്ലെന്ന് പറഞ്ഞ് നടന്‍ അലൻസിയർ. ന്യൂസ് 18ക്ക് നൽകിയ അഭിമുഖത്തിലാണ് താരത്തിന്റെ ന്യായികരണം. പുരുഷനു ഒരു ശരീരം ഉണ്ടെന്നും ഒരു ജീവിതം ഉണ്ടെന്നും അത് സ്ത്രീകളും കൂടി മനസ്സിലാക്കണം. സ്ത്രിയുടെ നഗ്നന ശരീരം മാത്രം വീട്ടിൽ കൊണ്ടുവെക്കുക എന്നല്ല അവാർഡ് കൊണ്ട് ഉദ്ദേശിക്കുന്നതെന്നും അലൻസിയർ പറഞ്ഞു.