'ലേയ്സ് ചോദിച്ചിട്ട് കൊടുത്തില്ല'; യുവാവിനെ മദ്യപാനികൾ ക്രൂരമായി മര്ദിച്ചതായി പരാതി
- Published by:Arun krishna
- news18-malayalam
Last Updated:
സംഭവത്തിന്റെ വീഡിയോ സമൂഹമാധ്യമങ്ങളില് പ്രചരിക്കുന്നുണ്ട്.
ലേയ്സ് ചോദിച്ചിട്ട് കൊടുക്കാത്തതിന് പത്തൊമ്പതുകാരനെ മദ്യപസംഘം തെങ്ങിന് തോപ്പിലിട്ട് ക്രൂരമായി മര്ദിച്ചതായി പരാതി. കൊല്ലം വാളത്തുങ്കല് സ്വദേശി നീലകണ്ഠനാണ് മര്ദനമേറ്റത്.കടയില് നിന്നും ചിപ്സ് വാങ്ങി കഴിച്ചു വരുന്നതിനിടെ നീലകണ്ഠനോട് സമീപത്തുണ്ടായിരുന്ന മദ്യപസംഘത്തിലെ ഒരാള് ലേയ്സ് ആവശ്യപ്പെട്ടുകയായിരുന്നു. ചിപ്സ് നല്കാന് വിസമ്മതിച്ച യുവാവിനെ എട്ട് പേരടങ്ങുന്ന സംഘം മര്ദിക്കുകയായിരുന്നു.
സംഭവത്തിന്റെ വീഡിയോ സമൂഹമാധ്യമങ്ങളില് പ്രചരിക്കുന്നുണ്ട്. നീലകണ്ഠനെ സമീപത്തെ തോപ്പിലേക്ക് ചവിട്ടി തെറിപ്പിച്ച് ദേഹത്തേക്ക് ചാടി വീണ് മര്ദിക്കുന്നത് ദൃശ്യങ്ങളില് കാണാം. രണ്ടുപേര് മര്ദിക്കുന്നതായാണ് ദൃശ്യത്തില് കാണുന്നത്.
സാരമായി പരിക്കേറ്റ നീലകണ്ഠനെ കൊല്ലം ജില്ലാ ആശുപത്രിയില് പ്രവേശിപ്പിച്ചു. ഇരവിപുരം സി.ഐ യുടെ നേതൃത്വത്തില് സംഭവത്തില് കേസെടുത്ത് അന്വേഷണം ആരംഭിച്ചിട്ടുണ്ട്.
Location :
First Published :
Aug 03, 2022 7:34 AM IST
മലയാളം വാർത്തകൾ/ വാർത്ത/Crime/
'ലേയ്സ് ചോദിച്ചിട്ട് കൊടുത്തില്ല'; യുവാവിനെ മദ്യപാനികൾ ക്രൂരമായി മര്ദിച്ചതായി പരാതി
