തിരുവനന്തപുരം മെഡിക്കൽ കോളേജ് കുളിമുറിയിൽ യുവതിയുടെ ദൃശ്യം പകർത്തിയ യുവാവ് പിടിയിൽ

ഞായർ രാത്രി 10നായിരുന്നു സംഭവം. ഒന്നാം വാർഡിൽ കിടക്കുന്ന രോഗിയുടെ കൂട്ടിരുപ്പുകാരിയായ 21കാരിയുടെ ദൃശ്യങ്ങളാണ് ഇയാൾ പകർത്തിയത്. വാർഡിനോടുള്ള ശുചിമുറിയിൽ‌ യുവതി കയറിയപ്പോൾ അനീഷ് തൊട്ടടുത്ത ശുചിമുറിയിൽ കയറി മൊബൈൽ ഫോണിൽ ദൃശ്യങ്ങൾ പകർത്തുകയായിരുന്നു. സംഭവം ശ്രദ്ധയിൽപ്പെട്ട യുവതി ബഹളംവച്ചു. പിന്നാലെ ഇറങ്ങിയോടാൻ ശ്രമിച്ച പ്രതിയെ ജീവനക്കാരും അവിടെയുണ്ടായിരുന്ന മറ്റു കൂട്ടിരിപ്പുകാരും ചേർന്ന് പിടികൂടി.

ഫോണ്‍ പരിശോധിച്ചപ്പോൾ, ദൃശ്യം പകർത്തിയതായും ഇവ സുഹൃത്തുക്കൾക്ക് അയച്ചുകൊടുത്തതായും കണ്ടെത്തി. തുടർന്ന് പൊലീസിനെ അറിയിക്കുകയായിരുന്നു. പൊലീസെത്തി പ്രതിയെ കസ്റ്റഡിയിലെടുത്തു.