ഒറ്റയ്ക്ക് നടന്നോ സ്‌കൂട്ടറിലോ പോകുന്ന യുവതികളെ പതിവായി ഉപദ്രവിക്കുന്ന 27 കാരൻ പിടിയിൽ

ബെംഗളൂരു: സ്ത്രീകളെ ലൈംഗികമായി ഉപദ്രവിക്കുന്നത് പതിവാക്കിയ യുവാവിനെ ബെംഗളൂരു പൊലീസ് അറസ്റ്റ് ചെയ്തു. ഒരു സാൻവിച്ച് ഔട്‌ലെറ്റിലെ ജീവനക്കാരനായ ടി. വിനോദ് (27) ആണ് പിടിയിലായത്. വൈകുന്നേരങ്ങളിൽ ഒറ്റയ്ക്ക് സഞ്ചരിക്കുന്ന സ്ത്രീകളെ ലക്ഷ്യം വെച്ചായിരുന്നു ഇയാളുടെ അതിക്രമങ്ങൾ. വൈകുന്നേരങ്ങളിൽ റോഡിലൂടെ തനിച്ച് നടന്നുപോകുന്നവരെയോ സ്കൂട്ടറിൽ സഞ്ചരിക്കുന്നവരെയോ ആണ് പ്രതി ഉപദ്രവിച്ചിരുന്നത്. അതിക്രമത്തിന് ശേഷം സ്വന്തം സ്കൂട്ടറിൽ വേഗത്തിൽ സ്ഥലംവിടുകയായിരുന്നു ഇയാളുടെ രീതി.