അമേരിക്കയിൽ ആമസോൺ, സെയിൽസ്ഫോഴ്സ് പിരിച്ചുവിടൽ; ഇന്ത്യക്കാരായ കുടിയേറ്റ തൊഴിലാളികളെ ബാധിക്കുന്നതെങ്ങനെ?

ആമസോൺ, സെയിൽസ്ഫോഴ്സ് തുടങ്ങിയ ഭീമൻ കമ്പനികൾ പിരിച്ചുവിടൽ പ്രഖ്യാപനവുമായി രം​ഗത്തെത്തിയിരിക്കുകയാണ്. 18,000 ജീവനക്കാരെ പിരിച്ചുവിടുമെന്നാണ് ആമസോൺ അറിയിച്ചിരിക്കുന്നത്. കമ്പനിയുടെ ചരിത്രത്തിലെ ഏറ്റവും വലിയ പിരിച്ചുവിടലാണിത്. ലോകത്താകെ 1.5 ദശലക്ഷം ജീവനക്കാർ കമ്പനിക്കുണ്ട്. പിരിച്ചുവിടുന്ന ജീവനക്കാർക്ക് അഞ്ച് മാസത്തെ ശമ്പളം, ആരോഗ്യ ഇൻഷുറൻസ്, സെപ്പറേഷൻ പേയ്‌മെന്റ്, ട്രാൻസിഷണൽ ഹെൽത്ത് ഇൻഷുറൻസ് ആനുകൂല്യങ്ങൾ, മറ്റ് ആനുകൂല്യങ്ങൾ എന്നിവയെല്ലാം ലഭിക്കുമെന്നും കമ്പനി അറിയിച്ചിട്ടുണ്ട്.