കോഴിക്കോട് വയനാട് യാത്ര ഇനി മാറും; ഇന്ത്യയിലെ ദൈർഘ്യമേറിയ രണ്ടാമത്തെ ട്വിൻ ട്യൂബ് ടണൽ തുടക്കം

Published by:Rajesh V
news18-malayalam

Last Updated:Mar 06, 2026 9:51 AM IST

കോഴിക്കോട് മറിപ്പുഴ മുതല്‍ വയനാട് മീനാക്ഷിപ്പാലം വരെ 8.11 കിലോമീറ്ററാണ് തുരങ്കം. വയനാട്ടിൽ മേപ്പാടി-കള്ളാടി-ചൂരൽമല സ്റ്റേറ്റ് ഹൈവേയുമായിട്ടാണ് തുരങ്കപാതയെ ബന്ധിപ്പിക്കുന്നത്. മറിപ്പുഴ- മുത്തപ്പൻപുഴ- ആനക്കാംപൊയിൽ റോഡുമായാണ് തുരങ്കത്തിന്‍റെ കോഴിക്കോട് ഭാഗത്തെ മറിപ്പുഴയെ ബന്ധിപ്പിക്കുന്നത്

+ Follow usOn Google

(ഫോട്ടോ കടപ്പാട്- മന്ത്രി പി എ മുഹമ്മദ് റിയാസ് / ഫേസ്ബുക്ക്)

കേരളത്തിൻ്റെ സ്വപ്‌ന പദ്ധതികളിലൊന്നായ ആനക്കാംപൊയില്‍-കള്ളാടി-മേപ്പാടി തുരങ്കപാതയുടെ ഫസ്റ്റ് ബ്ലാസ്റ്റിൻ്റെ സ്വിച്ച് ഓണ്‍ മുഖ്യമന്ത്രി പിണറായി വിജയന്‍ നിര്‍വഹിക്കും. രാവിലെ 11ന് മറിപ്പുഴ പദ്ധതി പ്രദേശത്താണ് ചടങ്ങ്. സുരക്ഷാ ക്രമീകരണങ്ങളുടെ ഭാഗമായി പ്രവേശനം പാസ് മുഖേന നിയന്ത്രിച്ചിട്ടുണ്ട്.

ആനക്കാംപൊയിൽ-കള്ളാടി–മേപ്പാടി തുരങ്കപാത പ്രത്യേകതകൾ‌

ഇന്ത്യയിലെ ദൈർഘ്യമേറിയ രണ്ടാമത്തെ ട്വിൻ ട്യൂബ് ടണൽ
താമരശേരി ചുരം കയറാതെ വയനാട്ടിലെത്താം
35 കിലോമീറ്റർ ദൂരക്കുറവ്

വയനാട്-കോഴിക്കോട് ജില്ലകളെ ബന്ധിപ്പിക്കുന്ന 8.73 കിലോമീറ്റര്‍ തുരങ്കപാത കേരളത്തിലെ ഏറ്റവും വലിയ അടിസ്ഥാന സൗകര്യ വികസന പദ്ധതികളില്‍ ഒന്നാണ്. കേരള പൊതുമരാമത്ത് വകുപ്പിനാണ് പദ്ധതിയുടെ മേല്‍നോട്ട ചുമതല. കേരള ഇന്‍ഫ്രാസ്ട്രക്‌ചര്‍ ഇന്‍വെസ്റ്റ്‌മെൻ്റ് ഫണ്ട് ബോര്‍ഡില്‍ നിന്ന് ലഭ്യമാക്കുന്ന ഫണ്ട് ഉപയോഗിച്ചാണ് നിര്‍മാണം.

2006ലാണ് തുരങ്കപാത എന്ന ആശയം ഉയരുന്നത്. 2020ല്‍ ഭരണാനുമതി ലഭിച്ച ആനക്കാംപൊയില്‍ കള്ളാടി മേപ്പാടി തുരങ്കപാതയ്ക്ക് 2025 ജൂണിൽ കേന്ദ്ര പരിസ്ഥിതി മന്ത്രാലയത്തിന്‍റെ അനുമതി ലഭിച്ചു. അപ്രോച്ച് റോഡ് ഉള്‍പ്പെടെ 8.73 കിലോ മീറ്ററാണ് പദ്ധതിയുടെ ദൈര്‍ഘ്യം.

1.ആനക്കാംപൊയിൽ-കള്ളാടി തുരങ്കപാത HDR

ആകെ 8.735 കിലോമീറ്റർ
വയനാട്- 5.58 കി.മീ
കോഴിക്കോട്- 3.15 കി.മീ

ഇതില്‍ കോഴിക്കോട് മറിപ്പുഴ മുതല്‍ വയനാട് മീനാക്ഷിപ്പാലം വരെ 8.11 കിലോമീറ്ററാണ് തുരങ്കം. വയനാട്ടിൽ മേപ്പാടി-കള്ളാടി-ചൂരൽമല സ്റ്റേറ്റ് ഹൈവേയുമായിട്ടാണ് തുരങ്കപാതയെ ബന്ധിപ്പിക്കുന്നത്. മറിപ്പുഴ- മുത്തപ്പൻപുഴ- ആനക്കാംപൊയിൽ റോഡുമായാണ് തുരങ്കത്തിന്‍റെ കോഴിക്കോട് ഭാഗത്തെ മറിപ്പുഴയെ ബന്ധിപ്പിക്കുന്നത്.

2.ആനക്കാംപൊയിൽ-കള്ളാടി തുരങ്കപാത HDR

ഇരട്ട തുരങ്കങ്ങള്‍-8.11 കി.മീ
ഓരോ 300 മീറ്ററിലും ക്രോസ്സ് പാസ്സേജ്

3.ആനക്കാംപൊയിൽ-കള്ളാടി തുരങ്കപാത HDR

ഇരുവഴിഞ്ഞി പുഴക്ക് കുറുകെ രണ്ട് പ്രധാന പാലങ്ങള്‍
മൂന്ന് ചെറുപാലങ്ങള്‍

4.ആനക്കാംപൊയിൽ-കള്ളാടി തുരങ്കപാത HDR

ഏറ്റെടുക്കുന്നത്- 33 ഹെക്ടർ
വയനാട് - 8.0525 ഹെക്ടർ
കോഴിക്കോട്- 8.1225

5.ആനക്കാംപൊയിൽ-കള്ളാടി തുരങ്കപാത HDR

വനമേഖലയിലൂടെ-5771 മീറ്റർ
സ്വകാര്യ ഭൂമിയിലൂടെ-2964 മീറ്റർ

6.ആനക്കാംപൊയിൽ-കള്ളാടി തുരങ്കപാത HDR

ആകെ ചെലവ് 2134.50 കോടി

നിർമാണം ആരംഭിക്കുന്നതോടെ പദ്ധതി പ്രദേശത്ത് പല ഷിഫ്റ്റുകളിലായി 24 മണിക്കൂറും പ്രവൃത്തി നടക്കും. പദ്ധതി പ്രദേശത്ത് തൊഴിലാളികൾക്ക് താമസിക്കാനുള്ള ഷെൽട്ടർ നിർമാണം പൂർത്തിയായി. പാറ പൊട്ടിക്കുന്ന ക്രഷർ യൂണിറ്റുകളും സജ്ജമായി. കുണ്ടൻതോടിൽ കരാർ കമ്പനി പാട്ടത്തിനെടുത്ത 28 ഏക്കർ സ്ഥലത്താണ് ഇവ ക്രമീകരിച്ചത്.

Summary: Chief Minister Pinarayi Vijayan is set to officially inaugurate the construction of the ambitious Anakkampoyil-Kalladi-Meppadi tunnel road today with the ceremonial "first blast" at Marippuzha. This ₹2,135-crore infrastructure project is poised to revolutionize connectivity between Kozhikode and Wayanad districts. Once completed, it will be the second-longest twin-tube tunnel in India, spanning a total length of 8.73 km (including approach roads).

The tunnel provides a high-speed alternative to the congested Thamarassery Ghat (Churam) road, reducing the travel distance between the two districts by approximately 35 km.