'#അവള്ക്കൊപ്പംമാത്രം; തലമുതിര്ന്ന നടനും നായിക നടിയും കൂറുമാറിയതില് അതിശയമില്ല': ആഷിഖ് അബു
- Published by:user_49
- news18-malayalam
Last Updated:
നടി രേവതിയും റിമ കല്ലിങ്കലും ഫെയ്സ്ബുക്കിലൂടെ നടിക്ക് പിന്തുണ അറിയിച്ചിരുന്നു. ഇതിന് പിന്നാലെയാണ് ആഷിഖും എത്തുന്നത്
കൊച്ചി: നടി ആക്രമിക്കപ്പെട്ട കേസില് പ്രമുഖ താരങ്ങളായ സിദ്ദിഖും നടി ഭാമയും കൂറുമാറിയത് വാർത്തയായിരുന്നു. ഇതിന് പിന്നാലെ ഇരയ്ക്ക് പിന്തുണയുമായി സംവിധായകന് ആഷിഖ് അബു രംഗത്ത് എത്തി. നടി രേവതിയും റിമ കല്ലിങ്കലും ഫെയ്സ്ബുക്കിലൂടെ നടിക്ക് പിന്തുണ അറിയിച്ചിരുന്നു. ഇതിന് പിന്നാലെയാണ് ആഷിഖും എത്തുന്നത്.
തലമുതിര്ന്ന നടനും നായിക നടിയും കൂറുമാറിയതില് അതിശയമില്ലെന്നും ഈ കേസിന്റെ വിധിയെന്താണെങ്കിലും അവസാന നിയമ സംവിധാനങ്ങളുടെ വാതിലുകള് അടയുന്നതുവരെ ഇരക്കൊപ്പം ഉണ്ടാകുമെന്നും ആഷിഖ് കുറിച്ചു.
ആഷിഖ് അബുവിന്റെ ഫേസ്ബുക്ക് കുറിപ്പ്
"തലമുതിര്ന്ന നടനും നായിക നടിയും കൂറുമാറിയതില് അതിശയമില്ല. നടന്ന ക്രൂരതക്ക് അനൂകൂല നിലപാട് സ്വീകരിക്കുന്നതിലൂടെ ധാര്മികമായി ഇവരും കുറ്റകൃത്യങ്ങളുടെ അനൂകൂലികളായി മാറുകയാണ്. ഇനിയും അനുകൂലികള് ഒളിഞ്ഞും തെളിഞ്ഞും അണിചേരും.
നിയമസംവിധാനത്തെ, പൊതുജനങ്ങളെയൊക്കെ എല്ലാകാലത്തേക്കും കബളിപ്പിക്കാമെന്ന് ഇവര് കരുതുന്നു. ഈ കേസിന്റെ വിധിയെന്താണെങ്കിലും, അവസാന നിയമ സംവിധാനങ്ങളുടെ വാതിലുകള് അടയുന്നതുവരെ ഇരക്കൊപ്പം ഉണ്ടാകും. #അവള്ക്കൊപ്പംമാത്രം." - ആഷിഖ് കുറിച്ചു.
Click here to add News18 as your preferred news source on Google. സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
First Published :
Sep 18, 2020 11:20 PM IST
മലയാളം വാർത്തകൾ/ വാർത്ത/Film/
'#അവള്ക്കൊപ്പംമാത്രം; തലമുതിര്ന്ന നടനും നായിക നടിയും കൂറുമാറിയതില് അതിശയമില്ല': ആഷിഖ് അബു
