Idiots Of Istanbul: റൊമാന്റിക്കായി ബോളിവുഡിൽ ചുവടുറപ്പിക്കാൻ ഫഹദ് ഫാസിൽ; ഇംതിയാസ് അലി ചിത്രത്തിന് പേരിട്ടു

ബോളിവുഡ് അരങ്ങേറ്റത്തിന് ഒരുങ്ങുകയാണ് മലയാളികളുടെ പ്രിയ നടൻ ഫഹദ് ഫാസിൽ. ബോളിവുഡിന് ഹിറ്റ് സിനിമകൾ സമ്മാനിച്ച സംവിധായകരിൽ ഒരാളായ ഇംതിയാസ് അലിക്ക് ഒപ്പമാണ് ഫഹദിന്റെ ആദ്യ ചിത്രം.ത്രിപ്തി ദിമ്രിയാണ് ചിത്രത്തിൽ നായികയായി എത്തുന്നത്. ഫഹദ് ബോളിവുഡിലേക്ക് പോകുന്നു എന്ന തരത്തിലുള്ള വാർത്തകൾ പ്രചരിക്കാൻ തുടങ്ങിയിട്ട് നാളേറെയായി. ഇപ്പോഴിതാ താരത്തിന്റെ ആദ്യ ഹിന്ദി ചിത്രത്തിന്റെ ടൈറ്റിൽ പ്രഖ്യാപിച്ചിരിക്കുകയാണ്. 'ഇഡിയറ്റ്സ് ഓഫ് ഇസ്താൻബുൾ' എന്നാണ് സിനിമക്ക് നൽകിയിരിക്കുന്ന പേര് എന്നാണ് പിങ്ക് വില്ലയെ ഉദ്ധരിച്ച് ടൈംസ് നൗ റിപ്പോർട്ട് ചെയ്യുന്നത്.