Vijay Sethupathi: സിനിമാ തൊഴിലാളി യൂണിയൻ ഭവന പദ്ധതിയിലേക്ക് 1.30 കോടി രൂപ സംഭാവന നൽകി നടൻ വിജയ് സേതുപതി

Published by:Sarika N
news18-malayalam

Last Updated:Feb 24, 2025 7:55 AM IST

ഫിലിം എംപ്ലോയീസ് ഫെഡറേഷന്‍ ഓഫ് സൗത്ത് ഇന്ത്യ (FEFSI) എന്ന സംഘടനയ്ക്കാണ് നടൻ ഈ തുക കൈമാറിയത്

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

നടന്‍ വിജയ് സേതുപതി സിനിമാ മേഖലയിലെ ടെക്‌നീഷ്യന്‍മാരും ദിവസവേതനക്കാരുമായ സിനിമാപ്രവര്‍ത്തകര്‍ക്ക് വീടുകള്‍ നിര്‍മിക്കാനായി 1.30 കോടി രൂപ സംഭാവന നല്‍കി. ഫിലിം എംപ്ലോയീസ് ഫെഡറേഷന്‍ ഓഫ് സൗത്ത് ഇന്ത്യ (FEFSI) എന്ന സംഘടനയ്ക്കാണ് നടൻ ഈ തുക കൈമാറിയത്. തമിഴ് സിനിമ, ടെലിവിഷന്‍ മേഖലകളിലായി ഏകദേശം 25,000 അംഗങ്ങളുള്ള സംഘടനയാണ് ഫിലിം എംപ്ലോയീസ് ഫെഡറേഷന്‍ ഓഫ് സൗത്ത് ഇന്ത്യ.

#VijaySethupathi has donated ₹1.30 Crs to #FEFSI Movie workers union to build apartments . Nice 👌 The apartment tower will be called Vijay Sethupathi Towers! pic.twitter.com/8TbSVBVtE5

— Sreedhar Pillai (@sri50) February 22, 2025

ഈ അപ്പാര്‍ട്ട്‌മെന്റ് നിര്‍മ്മാണ പദ്ധതിയെക്കുറിച്ചുള്ള വിവരം ട്രേഡ് അനലിസ്റ്റ് രമേശ് ബാലയാണ് സോഷ്യല്‍ മീഡിയ പ്ലാറ്റ്‌ഫോമായ എക്‌സിലൂടെ പങ്കുവെച്ചത്. 'വിജയ് സേതുപതി ടവേഴ്‌സ്' എന്നാകും ഈ പദ്ധതിക്ക് പേരിടുമെന്നും അദ്ദേഹം കൂട്ടിച്ചേര്‍ത്തു.

To support the construction of an apartment complex for film industry workers. In recognition of his generosity, the building will be named "Vijay Sethupathi Towers," #VijaySethupathi #FEFSI pic.twitter.com/2lE809z9AE

— DailyNewsBuzz (@DailyNewsBuz) February 23, 2025

വിവിധ സിനിമസംഘടനകള്‍ക്ക് ഭൂമി പാട്ടത്തിന് നല്‍കിയുള്ള സംസ്ഥാന സര്‍ക്കാരിന്റെ പുതുക്കിയ ഉത്തരവ് ഫെബ്രുവരി 21-ന് തമിഴ്‌നാട് ഉപമുഖ്യമന്ത്രിയും നടനുമായ ഉദയനിധി സ്റ്റാലിന്‍ കൈമാറിയിരുന്നു. ഫിലിം എംപ്ലോയീസ് ഫെഡറേഷന്‍ ഓഫ് സൗത്ത് ഇന്ത്യ(FEFSI), തമിഴ് ഫിലിം പ്രൊഡ്യൂസേഴ്‌സ് കൗണ്‍സില്‍, സൗത്ത് ഇന്ത്യന്‍ ആര്‍ട്ടിസ്റ്റ്‌സ് അസോസിയേഷന്‍ തുടങ്ങിയ സംഘടനകള്‍ക്കാണ് ഭൂമി ലഭ്യമാക്കിയത്.